Real Madrid C.F

Ver gitan!

"ტოტენჰემის" მთავარმა მწვრთნელმა, ანდრე ვილაშ-ბოაშმა, მორიგ ჯერზე დაადასტურა ის ფაქტი, რომ ლონდონური კლუბი გარეთ ბეილს არ გაყიდის.

"არა, გარეთის ტრანსფერის თაობაზე მოლაპარაკებები საერთოდ არ გაგვიმართავს. ბეილი არანაირ ფასად არ იყიდება" - განაცხადა ბოაშმა.

შეგახსენებთ, რომ 24 წლის უელსელზე პრეტენზიას მადრიდის "რეალი" აცხადებს.

Vnaxot aba ra ikneba da rogor itamashebs

გთავაზობთ ინფორმაციას "კასტილიას" ახალი შენაძენის, ხორხე პულიდოს შესახებ.

დაბადების ადგილი: ტალავერა–დე–ლა–რეინა, ესპანეთი
დაბადების თარიღი: 08.04.1991
პოზიცია: ცენტრალური მცველი
წონა: 72 კგ
სიმაღლე: 185 სმ
მოქალაქეობა: ესპანეთი

პულიდო მადრიდის "ატლეტიკოს" აკადემიას 10 წლის ასაკში შეუერთდა. ხორხემ პროფესიონალური თამაში 2009–2010 წლების სეზონში დაიწყო, ესპანეთის მესამე დივიზიონში "ატლეტიკოს ბ"–ს შემადგენლობაში.

2010 წლის 10 ნოემბერს, მოთამაშის დებიუტი შედგა პირველ გუნდში, როდესაც "ატლეტიკო" კოპა დელ რეის 1/16 ფინალში "ლას პალმასს" ხვდებოდა.

2011 წლის 15 მაისს, ტრავმების გამო გუნდს დიეგო გოდინი, ლუის პერეა და ტომას უიფალუში გამოაკლდნენ. პულიდოს შესაძლებლობა მიეცა საკუთარი შესაძლებლობები კიდევ უფრო ფართოდ გამოევლინა "ერკულესთან" მატჩში. ფეხბურთელმა სრული 90 წუთი გაატარა მოედანზე, ყვითელი ბარათი მიიღო და პენალტიც აიკიდა. შეხვედრა საბოლოოდ 2:1 დასრულდა მასპინძელთა გამარჯვებით და "ატლეტიკომ" ევროპის ლიგის საგზური მოიპოვა.

მიღწევები:

ესპანეთის თასი – 2013
ევროპის ჩემპიონატი U 17 - 2008

კარიერა:

მადრიდის "ატლეტიკო"(ახალგაზრდული გუნდი, 1999–2009)
მადრიდის "ატლეტიკო ბ"(2009–2011)
მადრიდის "ატლეტიკო"(2011–2013)
"რაიო ვალეკანო"(2012 არენდის წესით)
რეალ მადრიდ "კასტილია"(2013–დან დღემდე)

Xva didi dgea,didii!chemi bajbajunebi brundebiaan!aba tkven icit :**

"ბორნმუთთან" გასამართი მატჩის წინ, კარლო ანჩელოტის გუნდი დასკვნით ვარჯიშს გამართავს.

მადრიდის "რეალი" თბილისის დროით 12:30 წუთზე ივარჯიშებს. კარლო ანჩელოტის გუნდი "ბორნმუთთან" გასამართი ამხანაგური მატჩისთვის მზადებას დაასრულებს. პრესის წარმომადგენლებისთვის ვარჯიში 15 წუთით (13:00-დან 13:15-მდე) ღია იქნება.


ინფორმაციის წყარო: Realmadrid.com

Au ra suarezi,mteli yuradgeba baleze gadaitanet

მადრიდის "რეალმა" საბოლოოდ გადაწყვიტა, რომ "ლივერპულს" ლუის სუარესის სანაცვლოდ 25 მლნ. ევრო და გონსალო იგუაინი შესთავაზოს.

თუ ეს ტრანსფერი შედგება, ასეთ სიტუაციში მთავარი უიღბლო არსენ ვენგერი იქნება, რომელიც როგორც იგუაინზე, ასევე სუარესზე აცხადებს პრეტენზიას.

ამგვარად, "რეალის" წინადადება ბრენდან როჯერსისთვის შესაძლოა უფრო სარფიანი გამოდგეს, რადგან "ლივერპულის" თავკაცი მაღალი კლასის ფორვარდს და შემადგენლობის გასაძლიერებლად საკმაოდ კარგ თანხას მიიღებს. The Sun-ის ცნობით, სუარესი უფრო მადრიდს აირჩევს, ვიდრე ლონდონს.

ბედის ირონიით, "არსენალი" რამდენიმე კვირის წინ, იგუაინთან წინასწარ კონტრაქტს ათანხმებდა. თუმცა, მადრიდელებმა არგენტინელი ფორვარდის ფასი 40 მილიონამდე გაზარდეს და "მეთოფეების" ინტერესიც შეწყდა.


ინფორმაციის წყარო: The Sun

Warmatebebi coe:*

სატრანსფერო ფანჯარა ნელ–ნელა დასასრულს უახლოვდება...

ესპანეთში ფიქრობენ, რომ უკეთესი იქნება, თუ ფაბიო კოენტრაუ "თეთრების" ბანაკს ამ ზაფხულშივე დატოვებს. პირადი მიზეზების გამო პორტუგალიელს გუნდის ბოლო ორ ვარჯიშში მონაწილეობა არ მიუღია. ფაბიო ოთხშაბათს და ხუთშაბათს ვალდებებასის სამწვრთნელო ბაზაზე არ გამოჩენილა.

მისი მადრიდის დატოვებას კიდევ უფრო ამყარებს ის ფაქტი, რომ ჟოზე მოურინიო "სამეფო კლუბის" თავკაცი აღარაა. ყველასთვის ცნობილია, მას და ჟოზეს შესანიშნავი ურთიერთობა ჰქონდათ.

სეზონის ბოლოს კოენტრაუმ განაცხადა, რომ კლუბში თავს კომფორტულად ვეღარ გრძნობს. ეს ყველაფერი კი იმისკენ მიუთითებს, რომ მისი წასვლა ორივე მხარისთვის საუკეთესო ვარიანტი იქნება. ფაბიო ევროპის მასშტაბით ერთ–ერთი ყველაზე მოთხოვნადი ფეხბურთელია. ამიტომ, თუ იგი მადრიდიდან წასვლას დააპირებს, რეალური კლიენტის გამოჩენა არ დაყოვნდება.

Rogor mainteresebs ras ityvis transferebze
"ბორნმუთთან" (ხვალ, თბილისის დროით 22:45 წუთზე) გასამართი მატჩის წინ, კარლო ანჩელოტი პრესის წარმომადგენლების წინაშე წარსდგება.

დილის ვარჯიშის დასრულების შემდეგ, "რეალის" მთავარი მწვრთნელი, კარლო ანჩელოტი, პრესკონფერენციას გამართავს.


ინფორმაციის წყარო: Realmadrid.com

Tkva exla aman axali ambebi

იტალიის ახალგაზრდული გუნდის კოორდინატორმა არიგო საკიმ, ჟურნალისტებს ინტერვიუ მისცა, სადაც მადრიდის "რეალზე" საუბარს დაუთმო დრო.

"მოხარული ვარ, რომ ფლორენტინო პერესს ახალგაზრდების სჯერა. ბევრ დროს ვატარებ კლუბსა და პრეზიდენტის ირგვლივ."

"ილიარამენდი უბრალოდ ფანტასტიკური მოთამაშეა. მას ყველაფერთან ერთად შეუძლია დაცვაში დადგეს და მეტოქეს გამწვავების საშუალება არ მისცეს. იგი მოედანზე ძალიან გააზრებულად მოქმედებს, აქვს ბრწყინვალე გრძელი და მოკლე გადაცემა. ვფიქრობ, მას ყველაფერი აქვს, რათა "რეალის" ძირითადი მოთამაშე გახდეს."

"ისკო რადიკალურად განსხვავებულია. ესპანელი ძალიან ნიჭიერი და უკვე დიდი ფეხბურთელია."

"კარლო ანჩელოტი დიდი მწვრთნელია და მე მისი ტაქტიკის განხილვას არ ვაპირებ. იტალიელი ძლიერი პიროვნებაა და ამავდროულად მხიარული ადამიანიც. იგი ყოველთვის ცდილობს საკუთარ გუნდს ბურთის ფლობის მაჩვენებელი გაუზარდოს და ათამაშოს მიმზიდველი ფეხბურთი. შედეგიც სწორედ აქედან მოდის."

"რეალსაც" და "ბარსელონასაც" შესანიშნავი ფეხბურთელები ჰყავთ. საუკეთესო კი მხოლოდ იქიდან ვლინდება, თუ რომელი გუნდის მოთამაშე ირჯება უკეთ მოედანზე. თუ მადრიდელებს სურთ, რომ კატალონიელებზე ძლიერნი იყვნენ, პირველ რიგში ეთიკურ მხარეს უნდა დაუთმონ დიდი ყურადღება."

ინფორმაციის წაყრო: Marca

Imedia axlebs miecemat bevri satamasho dro

კარლო ანჩელოტიმ "ბორნმუთთან" ამხანაგური მატჩისთვის 23 ფეხბურთელს უხმო.

განაცხადი შემდეგნაირია:
მეკარეები: დიეგო ლოპესი, ხესუსი და ტომას მეხიასი.
მცველები: პეპე, კოენტრაუ, კარვახალი, ნაჩო, მატეოსი და კასადო.
ნახევარმცველები: ხედირა, კაკა, იოზილი, მოდრიჩი, დი მარია, ისკო, ილიარამენდი, კაზემირო, ჩერიშევი და კინი.
თავდამსხმელები: კრიშტიანუ რონალდუ, ბენზემა, იგუაინი და მორატა.

ინფორმაციის წყარო: Realmadrid.com

Aba tkven icit:*

მადრიდის "რეალმა" "ბორნმუთთან" გასამართი მატჩისთვის მზადება დაასრულა.

მადრიდელებმა კვირას გასამართი შეხვედრისთვის დასკვნითი ვარჯიში გამართეს. დიდი ყურადღება კვლავ ბურთზე კონტროლს და კომბინირებულ თამაშს დაეთმო.

ფეხბურთელები ორ ჯგუფად დაიყვნენ. პირველ ჯგუფში მეკარეები შედიოდნენ, რომლებიც სპეციალური პროგრამის მიხედვით ემზადებოდნენ. მეორე ჯგუფში კი ყველა დანარჩენი მოთამაშე ფიზიკური ვარჯიშებისა და ძალისხმიერი ორთაბრძოლების შესრულებით იყო დაკავებული.

ინფორმაციის წყარო: Realmadrid.com

Hahah es magari kacia:D

ტენორსა და კლუბის საპატიო წევრს, ფლორენტინო პერესმა უმასპინძლა. პლასიდო დომინგომ ფეხბურთელები და სამწვრთნელო შტაბი მოინახულა.

ესპანელი ტენორი მოხიბლული დარჩა "რეალ მადრიდ სითის" ნახვით. "მიმაჩნია, რომ ეს დიდებულია. ფეხბურთელებს კონცენტრაციისთვის ყველაფერი აქვთ. ისინი აქ დილით მოდიან და ახალი სეზონისთვის ემზადებიან. ლა ლიგა, რომელიც ხანგრძლივი და რთულია, ჩემპიონთა ლიგა, კოპა დელ რეი... მათ ბევრი მატჩის გამართვა უწევთ".

Yochag carlo:))

კარლო ანჩელოტიმ პრესკონფერენცია ტიტო ვილანოვასადმი მხარდასაჭერი სიტყვით დაიწყო.

"მსურს გვერდში დავუდგე ჩემს კოლეგა ტიტოს. ძალიან ვწუხვარ ამის გამო. ის მებრძოლია და იბრძოლებს. მინდა ვთქვა, რომ მთელი პერსონალი და კლუბი მის გვერდითაა. ვიმედოვნებ, ყველაფერი კარგად იქნება".


ინფორმაციის წყარო: Realmadrid.com

Shen girchevna bales transfers mixedo:D

პრეზიდენტმა ვარჯიშის წინ ფეხბურთელები და სამწვრთნელო შტაბი გაამხნევა.

ფლორენტინო პერესი დილით საწვრთნელ ბაზას ეწვია. ვარჯიშის წინ, პრეზიდენტმა ისარგებლა და ფეხბურთელებსა და სამწვრთნელო შტაბს მიესალმა. გუნდმა "ბორნმუთთან" გასამართი მატჩის წინ დასკვნითი ვარჯიში გამართა.






ინფორმაციის წყარო: Realmadrid.com

Axali da saintereso araferi utkvams ara da metki baleze ityvis rames...

კარლო ანჩელოტი "ბორნმუთთან" ამხანაგური შეხვედრის წინ მედიის წინაშე წარსდგა.

იტალიელმა სპეციალისტმა პირველი სავარჯიშო კვირით კმაყოფილება გამოთქვა: "შესანიშნავი კვირა იყო, თავდაუზოგავად ვმუშაობდით და ვარჯიშისადმი სერიოზული და პროფესიონალური მიდგომა გამოვავლინეს. ფეხბურთელებმა თავი არ დაზოგეს, ისინი ცოტა დაიღალნენ, მაგრამ თავს კარგად გრძნობენ. კარგია სეზონის ასეთი ატმოსფეროსა და მენტალიტეტით დაწყება."

"ჩვენ ძალიან დისციპლინირებული და პროფესიონალი ფეხბურთელები გვყავს. ბიჭებს ვარჯიშის შემდგომაც ერთად სურთ ყოფნა. ვიცი, რომ ვარჯიშის პირველი დღეები სკოლის პირველ დღეებს წააგავს: ყველა მობილიზებული და ყურადღებიანია. ეს მომავალში შეიცვლება, მაგრამ ახლა ატმოსფერო კარგია და ფეხბურთელებს ერთმანეთში ჩინებული ურთიერთობა აქვთ. გუნდმა კარგად, ინტენსიურად იმუშავა. ჩვენ სეზონის დაწყებამდე შვიდი მატჩი გვაქვს ჩასატარებელი და არ მსურს ფეხბურთელების გადატვირთვა, რათა მომავალში ტრავმებისგან თავი ავირიდოთ."

გუნდი სეზონს ინგლისურ "ბორნმუთთან" შეხვედრით იწყებს:

ეს პირველი ამხანაგური შეხვედრაა და მას პროფესიონალურად უნდა მივუდგეთ. ჩვენ ფორმის პიკზე არ ვიმყოფებით და ყველა ფეხბურთელი 45 წუთს ითამაშებს. კარგი თამაშით დაწყება ძალიან მნიშვნელოვანია. რაც შეეხება ახალ შენაძენებს - ისინი კარგად შეგვეწყვნენ, თავდაუზოგავად ვარჯიშობენ და ბევრს არ ლაპარაკობს, რაც კარგია. ახალგაზრდა ფეხბურთელები გუნდს ყოველთვის ენთუზიაზმსა და მოტივაციას უმატებს".



კრიშტიანუ რონალდუს კონტრაქტის გახანგრძლივების შესახებ:

"ყველამ იცის, რომ ის სუპერვარსკვლავი და დიდებული ფეხბურთელია. კლუბისთვის ყველაზე მნიშვნელოვანი და სასიკეთო ის არის, რომ ის არაჩვეულებრივ პროფესიონალიზმს ამჟღავნებს. ახალგაზრდა ფეხბურთელებისთვისაც კარგია, როდესაც ისინი ხედავენ, რომ მსოფლიო დონის ფეხბურთელი ასე პროფესიონალურად უდგება საკუთარ საქმეს. მისი კონტრაქტის გახანგრძლივების საკითხი ჩემს კომპეტენციაში არ შედის, მაგრამ ვფიქრობ, პრობლემები არ შეიქმნება."

კაკას შესახებ:

"ის მადრიდის "რეალის" ფეხბურთელია. მან ძალიან კარგად დაიწყო მუშაობა, ზუსტად ისე, როგორც ყველა დანარჩენმა. კაკა საკუთარ თავში დარწმუნებულია და სეზონის დაწყებას მოუთმენლად ელის. ერთად დავიცადოთ და ვნახოთ, რა მოხდება; მან იცის, რომ შარშანდელ სეზონზე უკეთესად უნდა წარმოაჩინოს თავი."

იგუაინსა და კოენტრაოს შესახებ:

"იგუაინს ვესაუბრე, მაგრამ ეს პირადი ბაასი იყო. ამ მომენტისთვის ისიც "რეალის" ფეხბურთელია და მე მისი გუნდში ყოლით მოხარული ვარ. რაც შეეხება კოენტრაუს, მასაც ვესაუბრე და სწორედ იგივეს თქმა შემიძლია მასზეც. სადღეისოდ ის ჩვენი ფეხბურთელია და მე ამით ბედნიერი ვარ. ფაბიუ ჩინებული მარცხენა მცველია, რომელმაც გასულ სეზონში არაერთ შეხვედრაში მიიღო მონაწილეობა. ვფიქრობ, ის გუნდისთვის სასარგებლო ფეხბურთელია."



როდესაც მას ჰკითხეს, პირველი სამუშაო დღეების განმავლობაში ყველაზე მეტად ვინ გააკვირვა, ანჩელოტიმ უპასუხა:

"ის, რომლის შესახებაც არაფერი ვიცოდი, იყო კარვახალი. დანი შესანიშნავი მარცხენა მცველია, რომელიც ძალიან ინტენსიურად მუშაობს და საკუთარ სამუშაოს პროფესიონალურად უდგება. სხვა დანარჩენების შესახებ კი ბევრი ვიცოდი და ჩემი გაკვირვება ვერავინ მოახერხა."

კასილასსა და სერხიო რამოსის შესახებ:

"მათ საკუთარი შვებულება შეიმცირეს და აქ ჩემთან და სამწვრთნელო შტაბთან შესახვედრად ჩამოვიდნენ. მათი ეს ქმედება მომეწონა და ვუთხარი, რომ ისინი დიდი პროფესიონალები არიან. თუმცა, მათ დასვენების საშუალებას მაინც ვაძლევ და იმედი მაქვს, სერხიო და იკერი გუნდის განკარგულებაში "პსჟ"-სთან შეხვედრის შემდეგ დაბრუნდებიან."

საკუთარი სათამაშო სტილის შესახებ:

"საუკეთესო სისტემა არის მთელი გუნდით შეტევა მაშინ, როდესაც შენ გუნდს ბურთი აქვს და სრული გუნდით თავის დაცვა მაშნ, როდესაც ბურთი მოწინააღმდეგეს აქვს. ჩვენ შესანიშნავი ფეხბურთელები გვყავს და ვფიქრობ, კარგი გუნდის ჩამოყალიბებას მოვახერხებთ, რომელიც შემტევ ფეხბურთს ითამაშებს.



იტალიელმა ზიდანი შეაქო:

"ის ძალიან მოტივირებულია და აქტიურად ცდილობს ახალ მოვალეობას შეეჩვიოს. ჩვენთვის ეს დიდებული სიახლეა, რადგან მას ფეხბურთელებთან საუცხოო ურთიერთობა აქვს, მას ყველა მოუსმენს და ზიდანი გუნდს თავის აწევაში დაეხმარება."

თავდამსხმელების შესახებ:

"ჩვენ მორატა გვყავს, რომელიც ძალიან კარგი ფეხბურთელია. მის გარდა ხესე როდრიგესიც. მე გუნდით ძალიან კმაყოფილი ვარ. ჩვენთან ირიცხება ახალგაზრდა ფეხბურთელები, რომლებიც ინდივიდუალურადაც ძალიან ძლიერები არიან".



ინტერვიუს ბოლოს, კარლო ახალ შესაძლო შენაძენებზე საუბარს ვერ გაექცა:

"იბრაჰიმოვიჩი დიდებული ფეხბურთელია, რომელსაც ნებისმიერი გუნდისთვის შეუძლია დახმარების გაწევა. მაგრამ ის არ თამაშობს "რეალში" და მე სხვა გუნდის ფეხბურთელებზე საუბრის უფლება არ მაქვს, პირველ რიგში იმიტომ, რომ ყველა იმ მოთამაშეს უნდა ვცეთ პატივი, რომელიც სადღეისოდ ირიცხება ჩვენს გუნდში.

ბეილზე კითხვასაც ანჩელოტიმ იდენტური პასუხი გასცა:

"გუნდით ძალიან კმაყოფილი ვარ და სხვა გუნდის ფეხბურთელებზე საუბარი არ მსურს."

ინფორმაციის წყარო : Realmadrid.com

Ai mec moveedi:D dilamshvidobis(nu chemtvis dilaa) siaxleebi ki dagrovebula:D

Vai shvilo,vai

მადრიდის "ატლეტიკოს" მცველი, ჟოაო მირანდა მიიჩნევს, რომ მისი გუნდი "რეალსა" და "ბარსელონას" უკვე არაფრით ჩამოუვარდება.

"ვფიქრობ, ვილიასა და კიდევ რამდენიმე კარგი ფეხბურთელის მოსვლით, ჩვენ "რეალსა" და "ბარსასთან" ბრძოლას შევძლებთ. ამ გუნდებს შესანიშნავი შემადგენლობები ჰყავს, ამიტომ მათთან ერთ დონეზე სათამაშოდ ჩვენც გვჭირდებოდა ხარისხიანი გუნდი. ჩვენი მიზანია - ამ სეზონში ყველა ტურნირისთვის ბრძოლა, რომელშიც მივიღებთ მონაწილეობას. ამ წუთისთვის ჩვენთვის უპირველესი ამოცანა "ბარსელონას" დამარცხებაა ესპანეთის სუპერთასზე, რომელიც აგვისტოში გაიმართება." - განაცხადა მირანდამ.

ინფორმაციის წყარო : Goal.com

Agrovebs ras kvia exla,bales yidvis fuli rogor ar ak reals,yvelaze mdidar tundax agiares cota xnis win da...

ბოლო დროს, "რეალი" არამარტო ახალი სეზონისთვის, კერძოდ კი "ბორნმუთთან" მატჩისთვის, არამედ გარეთ ბეილის შესაძენადაც ემზადება. მადრიდელები უელსელის ტრანსფერისთვის ფულს აგროვებენ.

"ბლანკოსი" "ტოტენჰემისთვის" ძალიან კარგ წინადადებას ამზადებს. "რეალი" ეზეკილ გარაის "მანჩესტერ იუნაიტედში" გადაბარგებით 10 მლნ. ევროს მიიღებს, რადგან არგენტინელის უფლებების 50% სწორედ მადრიდულ გრანდს ეკუთვნის.

გარდა ამისა, "სამეფო კლუბმა" ალვარო ნეგრედოს "მანჩესტერ სიტიში" (25 მლნ. ევრო) გადაბარგებით, 4,4 მლნ. ევრო მიიღო და "რეალი" 21 მლნ. ევროს ხოსე კალეხონისა და რაულ ალბიოლის "ნაპოლიში" გადაბარგებით მიიღებს.

თუ ამ ყველაფერს შევაჯამებთ (გარაის ჩათვლით), "რეალს" 35 მლნ. ევრო დაუგროვდა, მაგრამ კლუბს მეტი სურს. ფლორენტინო პერესს იმედი აქვს, რომ გონსალო იგუაინისა და ფაბიუ კოენტრაუს გაყიდვით კლუბი დიდძალ თანხას მიიღებს. მათი გაყიდვის შემთხვევაში (ამას დავუმატოთ გამომუშავებული 35 მლნ. ევრო), "სამეფო კლუბი" 100 მლნ. ევრომდე თანხას მიიღებს. სწორედ ასეთი წინადადებით გეგმავს "ბლანკოსი" "ტოტენჰემის" მოხიბლვას.


ინფორმაციის წყარო: Marca

Erti magatic ra,me xo mjera ^_^

მომავალ სეზონში მადრიდის "რეალს" ბუკმეიკერებთანაც მოუწევს ბრძოლა. მსოფლიო ტოტალიზატორი მიიჩნევს, რომ კარლო ანჩელოტის მოსვლა "სამეფო კლუბს" პირველივე სეზონში წარმატებას ვერ მოუტანს. ამაზე მათი კოეფიციენტები მეტყველებს.

ყველაზე დაბალი კოეფიციენტი აქვს ფსონს, რომლის თანახმადაც "რეალი" სამიდან ვერც ერთ ტიტულს ვერ მოიპოვებს - 1.65.

იმ შემთხვევაში, თუ მადრიდისტები ახალ სეზონს ოპტიმისტურად ელიან და ტოტალიზატორით არიან გართულნი, მათ საკმაოდ კარგი თანხის მოგების შანსი ექნებათ. "სამეფო კლუბის" სამიდან ერთი ტიტულის მოგების კოეფიციენტი 2.2-ა. სამიდან ორის - 7.

"რეალის" მიერ ტრიპლეტის შესრულების შესაძლებლობას ტოტალიზატორი ყველაზე სკეპტიკურად უყურებს. რაც, კოეფიციენტზეც აისახა - 25.

ინფორმაციის წყარო : Defensacentral

Mec didi imedi makvs illarasi

"რეალ სოსიედადის" ყოფილმა მწვრთნელმა, ფილიპ მონტანიემ, საკუთარ ყოფილ შეგირდზე, ასიერ ილიარამენდიზე ისაუბრა, რომელიც სულ ახლახანს გადაბარგდა მადრიდის "რეალში" 32 მილიონი ევროს სანაცვლოდ.

"ილიარამენდი შესანიშნავი ნახევარმცველია, რომელიც ბურთის დასაბრუნებლად ბევრს აქტიურობს. მაგრამ, მას ასევე შესანიშნავად შეუძლია ბურთის გადანაწილება. უნდა აღინიშნოს მისი ინტენსიურობა, თავდაუზოგავი სირბილის შესაძლებლობა, რითაც ის საკუთარ თანაგუნდელებს თავისუფალ სივრცეებს უქმნის. ასევე ილიარას ბურთის კარგი ფლობა აქვს და ფეხბურთელებთან კომბინირება შეუძლია".

მონტანიე ილიარამენდიში ხედავს ფეხბურთელს, რომელიც ჩაბი ალონსოს საუცხოოდ ჩაანაცვლებს: "დიახ, ის ამისთვის მზადაა. უპრობლემოდ. მათ შორის სხვაობა ის არის, რომ ჩაბის გრძელი და იდეალური პასები აქვს, ასიერი კი უფრო ჩავი ერნანდესის სტილის ფეხბურთელია. მაგრამ მას პროგრესირებისთვის კიდევ ძალიან ბევრი დრო აქვს. ვფიქრობ, ჩაბისა და ილიარამენდის ერთადაც შეეძლებათ თამაში. ორივე დიდებული ფეხბურთელია."

ასევე ფილიპმა განაცხადა, რომ ახალგაზრდა ნახევარმცველზე მასში გადახდილი კოლოსალური თანხა ზეწოლას არ მოახდენს: "მისთვის ამას მნიშვნელობა არ ექნება, ის საკუთარ ძალებს მოედანზე წარმოაჩენს, მისი მჯერა. ილიარამენდის წარმატებისთვის ყველანაირი წინაპირობა აქვს, როგორც საფეხბურთო, ისევე პირადი".

ინფორმაციის წყარო : Defensacentral

Au aman vafshe saswauli moxia


ტურინის "იუვენტუსის" ფორვარდი, ფერნანდო ლიორენტე მიიჩნევს, რომ მისი გუნდი ლა ლიგის ორ გრანდს არაფრით ჩამორჩება.

"მე "იუვენტუსი" ავირჩიე, რადგან მიმაჩნია, რომ ეს გუნდი შესანიშნავია და ვიცი, რომ აქ პროგრესირებას შევძლებ".

"ზაფხულში ბევრი იტალიური კლუბი გაძლიერდა, მაგრამ ჩვენს ძირითად მეტოქეებზე საუბარი ჯერ ადრეა".

"ტურინული კლუბი "რეალსა" და "ბარსელონას" არაფრით ჩამორჩება. ვიტყოდი, რომ სერია ა ლა ლიგისა და პრემიერლიგის დონისაა" - განაცხადა ლიორენტემ.


ინფორმაციის წყარო: Goal.com

Gagchechavt ubedurebo:D

იან ჰარტე - "რეალის" უახლოესი მეტოქის, "ბორნმუთის" ყველაზე ცნობილი შენაძენია მიმდინარე სატრანსფერო პერიოდში. ირლანდიელი ვეტერანი გასულ სეზონში "რედინგთან" ერთად ჩემპიონშიპში გავარდა და სულ ახლახანს შეიცვალა კლუბი. ფეხბურთელმა "რეალთან" მოახლოვებულ შეხვედრაზე ისაუბრა.



"ისინი ბურთს არ დაგვითმობენ. მადრიდის "რეალი" მსოფლიოში ერთ-ერთი საუკეთესო გუნდია. მათთან შეხვედრა - კარგი შანსია ჩვენი შესაძლებლობების დემონსტრირებისთვის".

ჰარტე მადრიდის "რეალს" საკუთარი ხანგრძლივი კარიერის მანძილზე ოთხჯერ გადაეყარა. პირველი შეხვედრა 2000/01 სეზონის ჩემპიონთა ლიგის ჯგუფურ ეტაპზე შედგა, მადრიდულმა გრანდმა ორივე მატჩი მოიგო (3-2 და 0-2). ირლანდიელმა ორივე თამაშში მიიღო მონაწილეობა. ჰარტეს შემდეგი დაპირისპირება "სამეფო კლუბთან" 2004/05 წლებში შედგა, როდესაც ის ესპანური "ლევანტეს" ღირსებას იცავდა. "რეალმა" მისი გუნდი არც იმ სეზონში დაინდო და ორივე შეხვედრაში დაამარცხა (5-0, 0-2).



ჰარტე ძირითადად პრემიერლიგაში ასპარეზობდა, რომელშიც 200 მატჩზე მეტი აქვს ჩატარებული კარიერის მანძილზე. ირლანდიის ნაკრებში ის წარმატებულად ასპარეზობდა და ერთხელ, საუკეთესო ფეხბურთელადაც დასახელდა. კარგი თამაშის წყალობით მას 2002 წლის მსოფლიო ჩემპიონატზე თამაშის საშუალება მიეცა, რომლის 1/8-ფინალშიც ის ესპანეთის ნაკრებს შევხდა. იმ შეხვედრის მეორე ნახევარში იკერ კასილასმა ჰარტეს დარტყმული პენალტი მოიგერია. მატჩის ბედი პენალტების სერიაში გადაწყდა, რომელშიც ესპანეთმა იმარჯვა და 1/4-ფინალში გავიდა.



ინფორმაციის წყარო : Realmadrid.com

Chakra amisi varskvlavi ukve,gavida pensiaze

მადრიდის "რეალი" ისევ ცდილობს ტურინის "იუვენტუსის" ნახევარმცველის, ანდრეა პირლოს გადაბირებას.

Panorama-ს ცნობით, მადრიდელებმა 34 წლის პირლოსადმი ინტერესი მას შემდეგ განაახლეს, რაც გუნდს კარლო ანჩელოტი ჩაუდგა სათავეში, რომელიც ანდრეას "მილანში" ერთად მუშაობის შემდეგ შესანიშნავად იცნობს.

წყაროს ცნობით, "სამეფო კლუბი" მზადაა პირლოს სანაცვლოდ 10 მლნ. ევრო გადაიხადოს.

გასული სეზონის სერია ა-ში პირლომ 32 მატჩში მიიღო მონაწილეობა, 4 გოლი გაიტანა და 8 საგოლე გადაცემა გააკეთა.

Au napolma gazida mteli reali

"ნაპოლიმ" მადრიდის "რეალთან" გონსალო იგუაინის ტრანსფერის თაობაზე შეთანხმებას მიაღწია.

25 წლის არგენტინელი ფორვარდის ტრანსფერი ნეაპოლელებს 35 მლნ. ევრო დაუჯდებათ, იტყობინება Corriere Dello Sport.

ადრე ცნობილი გახდა, რომ "სამეფო კლუბი" გონსალოს 40 მლნ. ევროზე ნაკლებად არ შეელეოდა.

Nw napols isev live jobia mashin:D

"რეალმა" საკმაოდ საინტერესო გამოსავალი მონახა იგუაინის გუნდიდან გასაშვებად და ლუის სუარესის შესაძენად...

"სამეფო კლუბი" საკმაოდ დიდი ხნის ხანია სხვადასხვა კლუბებთან გონსალო იგუაინის ტრანსფერს განიხილავს, რომელმაც გასული სეზონის დასრულებისთანავე გუნდის დატოვების სურვილი ღიად გამოთქვა. ამავდროულად, არავისთვისაა სიახლე, რომ "თეთრებს" "ლივერპულის" თავდამსხმელის, ლუის სუარესის შეძენა სურთ. ურუგვაელი უკმაყოფილოა ინგლისის მედიისა და მაღალჩინოსნების მისდამი მიპყრობით, შესაბამისად მზადაა ნისლიანი ალბიონის დასატოვებლად.

ბრიტანული ტაბლოიდების ინფორმაციით, ფლორენტინო პერესმა ამ ორი საკითხის მოგვარება ერთად გადაწყვიდა. ის "ლივერპულს" სუარესის სანაცვლოდ 20 მილიონ ევროსა და გონსალო იგუაინს შესთავაზებს.

რამდენად დათანხმდებიან მერსისაიდელები ასეთ წინადადებას, ჯერჯერობით უცნობია, მაგრამ ფაქტია, რომ ის გაცილებით სარფიანი იქნება, ვიდრე ის 40 მილიონი ფუნტი, რომელსაც სუარესში ლონდონის "არსენალი" იხდის. "მეთოფეებმა" ურუგვაელის შეძენა მას შემდეგ გადაწყვიტეს, რაც გონსალო იგუაინის საკითხში "რეალთან" შეთანხმებას ვერა და ვერ მიაღწიეს.

იმ შემთხვევაში, თუ "რეალი" და "ლივერპული" შეთანხმდებიან, ყველაზე მეტად სწორედ "კანონირები" იზარალებენ, რომლებმაც პიპიტასთან პირადი კონტრაქტის დეტალები უკვე შეათანხმეს და სუარესსაც შესთავაზეს ხელფასის სახით 120 ათასი ფუნტი კვირაში. შესაბამისად, ლონდონელები მზად არიან, ურუგვაელი ფორვარდი საკუთარი გუნდის ყველაზე მაღალანაზღაურებად ფეხბურთელად აქციონ.

ინფორმაციის წყარო : The Sun

Aba raaa...casoo^^

მადრიდის "რეალის" გულშემატკივარი თვლის, რომ მომავალ სეზონში გუნდის პირველი მეკარე იკერ კასილასი იქნება. ამას, ესპანურენოვანი საიტის, Defensacentral-ის მიერ ჩატარებული გამოკითხვა მოწმობს.

მადრიდისტთა უმეტესობა თვლის, რომ ანჩელოტი ძირითად შემადგენლობაში დააყენებს მეკარეს, რომელიც უკანასკნელი 15 წელია ხელშეუხებლად იცავს "სამეფო კლუბის" კარს. თუმცა, უკანასკნელი 4 თვის მანძილზე ის დიეგო ლოპესის შემცვლელი იყო. სწორედ ამ პოზიციას მისცა ხმა მკითხველთა 70%-მა.

23 % თვლის, რომ იტალიელი სპეციალისტი ჟოზე მოურინიოს მიბაძავს და კარში დიეგო ლოპესს გაამწესებს, რომელმაც გასული სეზონის მეორე ნახევარი ჩინებულად ჩაატარა და ხალხის გარკვეული რაოდენობით აზრით, ის შანსს კვლავ იმსახურებს და ლა ლიგის პირველ შეხვედრაში, "ბეტისის" წინააღმდეგ სწორედ მან უნდა ითამაშოს.

გუნდის მესამე მეკარემ, ანტონიო ადანმა ვერც ერთი ხმა ვერ მიიღო. შესაძლოა, ეს იმით არის განპირობებული, რომ ადანი გუნდის დატოვებასთან ძალიან ახლოსაა.

დარჩენილი 7%-ის აზრით, უახლოეს სეზონში პირველ მეკარედ კანტერანო ხესუსი გახდება, რომელმაც მხოლოდ და მხოლოდ ერთი მატჩის ჩატარება მოასწრო პირველ გუნდში, გასული სეზონის უკანასკნელ შეხვედრაში. ახალგაზრდა მეკარე ჯერ დარწმუნებული არ არის, დარჩება თუ არა "ბლანკოსში" და ამიტომ, იმ 7%-ის არჩევანი საკმაოდ თამამი და მოულოდნელია.

Aaaww dges chem bajbajunebs vnaxavooo^_^

"თეთრები" ღამით მოსამზადებელი ეტაპის პირველ ამხანაგურ მატჩში "ბორნმუთს" დაუპირისპირდებიან.

"რეალმა" ბორნმუთისკენ აიღო გეზი. გუნდი ინგლისში ჩასვლას თბილისის დროით 14:00 საათზე გეგმავს. მადრიდელები სასტუმრო "The Haven"-ში დაბინავდებიან.










ინფორმაციის წყარო: Realmadrid.com