ევრი ვარსკვლავი ვერ დაიკვეხნის, რომ ახალგაზრდობაში ნამდვილი მზეთუნახავი იყო. მაგრამ ვარსკვლავები რის ვარსკვლავები არიან, რომ დინების საწინააღმდეგოდ არ იცურონ და შეუძლებელი ვერ შეძლონ. ქვემოთ ჩამოთვლილი ქალები ახლა გაცილებით ლამაზები, საინტერესოები და მიმზიდველები არიან, ვიდრე ახალგაზრდობის წლებში. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ჯენიფერ ლოპესი – 42 წლის [/b]
იყო დრო, როლესაც ჯენიფერ ლოპესიმეტროთი დადიოდა რეპეტიციებზე. ოცნებობდა, ვინმე კარგი მომღერლის შოუში რიგითი მოცეკვავე ყოფილიყო. პერიოდულად თავის გატაცებასაც არ ივიწყებდა და სიმღერებს წერდა. ყველაზე ნაკლები დრო თავის მოვლისათვის რჩებოდა. ახალგაზრდობაში ის ხმარობდა ისეთ მაკიაჟს, რომელიც ასაკსაც მატებდა და ვულგარულ იერსაც სძენდა. ახლა კი მას წელიწადის ნებიმიერ დროს ოქროსფერი რუჯი აქვს, ყველაზე მოდური ვარცხნილობა, საინტერესო მაკიაჟი, საუკეთესო დიზაინერის სამოსი და შოუბიზნესის ქალღმერთის ტიტულიც მზად არის. ახლა მას მოცეკვავეების 15 კაციანი ჯგუფი ჰყავს. ჯენიფერმა დროს და ცხოვრებას გაუსწრო და აჯობა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ვიქტორია ბექჰემი – 38 წლის [/b]
ის აღიარებს, რომ არასოდეს მოსწონდა საკუთარი თავი არც ახალგაზრდობაში და არც ახლა. თუმცა ეს შინაგანი კომპლექსი მას თვითგანადგურებისკენ კი არა, პირიქით, უკეთესად წარმოჩენის საშუალებას აძლევს. სანამ ვიქტორია დღევანდელ, გაწონასწორებული ლედის იმიჯს მოირგებდა, ბევრი რამ გამოიარა – მკერდი ჯერ გაიდიდა, შემდეგ დაიპატარავა, თმა იმდენჯერ დაიგრძელა, რომ ბოლოს ნატურალურიც გასცვივდა. გარეგნობაზე უამრავი ექსპერიმენტის შემდეგ ვიქტორია მიხვდა, რომ საკუთარ თავთან ჰარმონია ყველაზე კარგი გამოსავალი იქნებოდა. ახლა მის გარდერობში გამომწვევი და ვულგარული ტანსაცმელი არ არის, აღარც კაშკაშა თმა და მკაფიო მაკიაჟი აქვს. ცნობილი სპორტსმენის ცოლს, ოთხი შვილის დედას და წარმატებულ დიზაინერს ახლა საკუთარი თავი ყველაზე მეტად უნდა მოსწონდეს, თუმცა ის ჯერ კმაყოფილი მაინც არ არის. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]
ქსენია სობჩაკი – 30 წლის [/b]
ტელეწამყვანი ქსენია სობჩაკი პლასტიკური ქირურგიის მანიაკია. ის ბოლო 10 წლის განმავლობაში იმდენად შეიცვალა, რომ ძნელია, ახლანდელ და 20 წლის ქსენიას შორის საერთო იპოვო. ერთადერთი, რაც მას არ მოსწონს და ვერ შეიცვალა, ეს ნიკაპია. რუსეთში თავისი მოდაც კი ჩამოაყალიბა – მივბაძოთ ქსენია სობჩაკს. ბევრი გოგო დღეს მისნაირად ქერა თმით, სათვალითა და მისნაიარი ჩაცმის სტილით დადის. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]
მეგან ფოქსი – 25 წლის [/b]
მართალია, ეს მსახიობი ჯერ კიდევ არ გამოსულა ახალგაზრდობის წლებიდან, მაგრამ მაინც ცდილობს რადიკალურად განსხვავებული იყოს 17 წლის მეგანისგან. ის ერთადერთი ვარსკვლავია, რომელიც პლასტიკური ქირურგიით არ არის გატაცებული. უბრალოდ კარგი სტილისტების დახმარებით ისწავლა საკუთარი ღირსებების წარმოჩენა. სხვათა შორის, არასოდეს არის გარუჯული, რადგან კანს უფრთხილდება. სახის ნაკვთები ბევრად გამოკვეთილი აქვს, ვიდრე ადრე ჰქონდა. მეგობრობს ჯორჯო არმანისთან, რაც მას აშკარად ეტყობა. ყოველი მისი გამოჩენა ოვაციებსა და აღფრთოვანებას იწვევს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]კეიტ უინსლეტი – 36 წლის [/b]
ცოტა ხნის წინ 3 დე ფორმატში გადაღებული "ტიტანიკის" პრემიერაზე კეიტ უინსლეტიისეთი მომხიბვლელი იყო, რომ აშკარად ჯობდა თავის 15 წლის წინანდელ ანალოგს, რომელიც "ტიტანიკში" თამაშობს. 15 წლის წინ წითელ ხალიჩაზე ის ასეთი ვარსკვლავური და გლამურული სულაც არ იყო. 
"უცნაურია ცხოვრება, 15 წლის წინ ლეონარდო დიკაპრიო გამხდარი იყო, მე – სრული. ახლა კი ყველაფერი პირიქითაა", – ამბობს კეიტი. 
მართლაც, ახლა კეიტი ბევრად გამხდარია, მაგრამ თავისი ქალურობა მაინც შეინარჩუნა. როგორც ჩანს, "ლანკომთან" თანამშრომლობა მას დიდად წაადგა, თუმცა თვითონ ამბობს, რომ მის სილამაზეში კოსმეტიკას ყველაზე ნაკლები ადგილი უკავია. 
"როდესაც ქალი სიყვარულის ობიექტია და მამაკაცის ყურადღებითაა განებივრებული, ის იფურჩქნება", – არ მალავს კეიტი. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ევა მენდესი – 38 წლის [/b]
ის ამბობს, რომ აღარასოდეს მიმართავს პლასტიკურ ქირურგს, ერთიც საკმარისი იყო. აღიარებს, რომ ერთი ოპერაცია აქვს გაკეთებული, თუმცა არ აკონკრეტებს – რისი. ახლა ევა 10–15 წლით ახალგაზრდად გამოიყურება, ვიდრე რეალურადაა. ახალგაზრდობაში საკუთარ თავზე ექსპერიმენტების ჩატარება უყვარდა – უგემოვნო მაკიაჟი, შეუფერებელი ვარცხნილობები. იმაში, რომ ვარსკვლავი ახლა შესანიშნავ ფორმაშია, დიდ როლს მისი კვების რეჟიმიც ასრულებს. რამდენიმე წელია, ხორცს საერთოდ არ ჭამს და დღეში 3 ლიტრ წყალს სვამს იმისათვის, რომ კანი უბრწყინავდეს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]კელი ოსბორნი – 27 წლის [/b]
ეს გოგონა ბრწყინვალე მაგალითია იმისა, თუ როგორ უნდა შეიცალო ისე, რომ საკუთარ თავს და პრინციპებს არ უღალატო. რომ შეხედოთ, მაშინვე იტყვით, რომ როკი უყვარს, მაგრამ ამავდროულად შესაძლებელია მასში ქალის დანახვაც, რაც 10 წლის წინ შეუძლებელი იყო. თავად კელი ამბობს, რომ ამ მეტამორფოზისაკენ მას საუკეთესო მეგობარმა, კრისტინა აგილერამ უბიძგა. სწორედ მან დასვა დიეტაზე და გარდერობიდან გადაუყარა სრულიად არასექსუალური სამოსი.