ეკა კვალიაშვილი: "რომ მოვყვეთ ჩვენი ცხოვრება, ჩვენც შევეცოდებით ხალხს, მაგრამ არ მინდა"

პროექტ "საქართველოს ვარსკვლავს" ახალი გამარჯვებული ჰყავს – ნინა სუბლატი. ნინამ ფინალურ კონცერტზე ხმების 47% მიიღო და გამარჯვებით თავადაც გაკვირვებული დარჩა, რადგან ყველა ნუკა გვალიას ვარსკვლავობას ელოდა. 
"ნინა სუბლატს ვულოცავ "რუსთავი 2"–ის ვარსკვლავობას", – ეს სიტყვები და კიდევ სხვა სტატუსები, რომლებმაც საზოგადოების ნაწილის გაღიზიანება გამოიწვია, ნუკას დედამ, ცნობილმა მომღერალმა ეკა კვალიაშვილმა გამოაქვეყნა "ფეისბუქზე". შემდეგ მან განმარტა, რომ ნინა სუბლატისთვის "რუსთავი 2"–ის ვარსკვლავი" ბოროტი განზრახვით არ უწოდებია. 
"მინდა, დიდი მადლობა გადაგიხადოთ, მეგობრებო, თანადგომისთვის, გულშემატკივრობისთვის. ამდენი თვე ჩვენ ერთად ვიყავით, შეგეჩვიეთ, მიყვარხართ. ნუკა სათანადოდ დააფასა მსმენელმა და უამრავი ხმა მისცა. ხაზს ვუსვამ – უამრავი ხმა! ამიტომ არის ნუკა ყველანაირი მაქინაციების გარეშე საქართველოს ვარსკვლავი ანუ თქვენი რჩეული ვარსკვლავი... ეჭვი არ მეპარება, რომ ნუკას მსოფლიო ასპარეზზე დავინახავთ, გაგვიხარდება და უდიდეს სიამოვნებას მოგვგვრის ეს ფაქტი, – წერდა კვალიაშვილი, – ...ნუკ, მთელ საქართველოს უყვარხარ და ძალიან მალე მსოფლიო შეგიყვარებს... შენ დიდი მომღერალი ხარ. მე კმაყოფილი ვარ, რომ ამ პროექტში დიდი პრაქტიკა გაიარე, გამოცდილება მიიღე, დაიხვეწე და უკვე მზად ხარ უმაღლესი მწვერვალების დასაპყრობად. შენ ნამდვილი ჩემი შვილი ხარ, ამიტომაც გვაქვს მე და შენ ფანტასტიკური განწყობა... ვულოცავ ნინა სუბლატს "რუსთავი 2"–ის ვარსკვლავობას". 
ეკა კვალიაშვილი ამ ბოლო სიტყვებისთვის გაილანძღა, თქვენს შვილს არცხვენთ, ცოტა თავი შეიკავეთ და პატივი ეცით ხალხის გადაწყვეტილებასო, დაუწერეს სოციალურ ქსელში და სხვა მკვეთრი გამოთქმებიც მიაყოლეს. მომღერლისგანაც შესაბამისმა "ხურდამ" არ დააყოვნა და, როგორც ხშირად ხდება ხოლმე, "ფეისბუქი" სიტყვიერი შეხლაშემოხლის არენად იქცა. 
თავად ნინა სუბლატმა უფროს კოლეგაზე თქვა, ის ჩემი მეგობრის დედაა და მიხარია, რომ ამ ორ ადამიანს ვიცნობ, მაგრამ არა მგონია, ხმების 47% "რუსთავი 2"–ის ყოფილიყოო. ეკა კვალიაშვილს კი საფუძველი აქვს, სწორედ ასე იფიქროს, რის შესახებაც მან "სარკესთან" ისაუბრა. 
მომღერალი მეგობართან, ყოფილ ჟურნალისტსა და ამჟამად პიარის სპეციალისტ მაცაცო კევლიშვილთან ერთად შეგვხვდა რომელიც ნუკას "ფეისბუქის" გვერდის ადმინი (ადმინისტრატორი) გახლავთ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ქალბატონო ეკა, ნუკას გამარჯვებაში ალბათ დარწმუნებული იყავით. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] დარწმუნებული ერთ რამეში ვარ – ვიცი, რომ ძალიან ნიჭიერი შვილი მყავს. რა თქმა უნდა, ჩვენი მიზანი გამარჯვება იყო, მაგრამ ყველაზე მნიშვნელოვანი ის იყო, რომ ეს კონკურსი ნუკასთვის კარგი პრაქტიკა გახლდათ. ყოველ ორშაბათს პროფესიულად იხვეწებოდა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– მაგრამ ნუკა საქართველოს ვარსკვლავი ვერ გახდა და ამის გამო გული ძალიან დაგწყდათ. ეს ვერც დამალეთ და "ფეისბუქზე" სტატუსში დაწერეთ. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ვერ მივხვდი, რა ამოიკითხა ხალხმა ჩემი სტატუსიდან. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ახსენეთ მაქინაციები, "რუსთავი 2"–ის ვარსკვლავობა, ნუკას დიდი მომღერალი უწოდეთ... [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] ნუკას უბრალოდ მსოფლიო დონის ვარსკვლავობა ვუსურვე. რაც შეეხება "რუსთავი 2"–ის ვარსკვლავობას, ვერ მივხვდი, რატომ გაღიზიანდა და გაბრაზდა ეს ხალხი. ეს პროექტი "რუსთავი 2"–ის არის, სხვათა შორის, ნიკა გვარამიამაც თქვა გადაცემაში, რომ ეს იყო "რუსთავი 2"–ის არჩევანი და მისი მაყურებელი იგულისხმა. ამ არხის ფავორიტიაო, ასე თქვა ნინაზე. მე თუ რამე სიტყვა დავაკელი, ჟურნალისტი ხომ არ ვარ?! ჩასაფრებულის პოზიციიდან რატომ უნდა მიყურონ?! ნინას სულით და გულით მივულოცე იქაც და ახლაც ვულოცავ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ნუკაზე თქვით, რომ ის ყოველგვარი მაქინაციის გარეშეა ვარსკვლავი. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ვიღაცამ რაღაც დამიწერა და მე მას სტატუსით ვუპასუხე. წერდა, ეს საქართველოა და აქ თუ მაქინაციებს არ აკეთებ, ისე ვერაფერს მიაღწევო. ჩემი პასუხი ის იყო, ვიწრო გზა გვაქვს არჩეული, მაქინაციების გარეშე ვცხოვრობთ და ისე ვაღწევთ რაღაცეებს–მეთქი. ჟურნალისტებმა კი ჩემი პასუხი აიტაცეს და ის, რის გამოც დავწერე, გამოტოვეს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– თქვენზე წერდნენ, დედამისის სიტყვებმა დაღუპა ნუკა, თორემ გახდებოდა საქართველოს ვარსკვლავიო. იქნებ მართლაც ნაკლებად უნდა გამოგეხატათ თქვენი აზრი პროექტის მსვლელობის განმავლობაში, ნაკლებად გეაქტიურათ, რომ ნუკა თქვენი ჩრდილისგან სრულიად გათავისუფლებულიყო. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]თუ ფორუმებს გადავხედავთ, ბევრი ფიქრობს, რომ ჩემი დახმარებით ნუკას ბევრად ადვილად შეუძლია გახდეს ვარსკვლავი და ჯობს, სხვას უგულშემატკივრონ. მუდმივად ლაპარაკობდნენ ჩემი გავლენის შესახებ, ამაზე ძალიან ვიცინე, მე მომღერალი ვარ და არა – პოლიტიკოსი. არაფერს ვამბობ იმ შეურაცხყოფაზე, რასაც თუნდაც მხოლოდ პოპულარობის გამო ვიტანდი. ათას რამეს წერენ. ერთი ვიღაც სულ ერთი და იმავე ტექსტებით წერს სხვადასხვა პროფილიდან. ეს მისი გაჭირვებაა, რადგან უზრდელია. ყველამ თავის ოჯახს მიხედოს! ვერავინ იტყვის, რომ კონკურსის მანძილზე ვინმეზე ერთი ზედმეტი სიტყვა ვთქვი. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– როგორ ფიქრობთ, რატომ წამოვიდა ასეთი აგრესია თქვენ მიმართ სოციალურ ქსელებში, რომ ბოლოს მუქარაც შეუთვალეთ ვიღაცას? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ეს მუქარა საჭირო იყო, რადგან მერე ეგრევე წაშალა თავისი სტატუსი. ჩემი შვილის გვერდზე დაპოსტა ჩემზე, გაბოროტებული დედაკაციო. რატომ უნდა დახვედროდა ნუკას თავისი დედის ლანძღვა?! ვერ მივხვდი, რატომ ვარ გაბოროტებული დედაკაცი. რატომ უნდა ვიყო გაბოროტებული ქალი წარმატებული, შემდგარი ეკა კვალიაშვილი, რომელსაც საქართველოში ყველა იცნობს?! მყავს ნიჭიერი შვილი და ვცხოვრობ ჩემთვის. კარგი სამეგობრო მყავს და კმაყოფილი ადამიანი ვარ. როცა ცნობილი სახე ხარ, ყოველთვის გლანძღავენ. კარგიც რომ გააკეთო, მაინც ბოღმა ხარ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]მაცაცო კევლიშვილი: [/b]მე ვიყავი ნუკას გვერდის ადმინი. როგორც კი შევამჩნევდი, რომ რომელიმე ნუკას ფანი აგრესიით იყო გამსჭვალული თუნდაც ნუკას დასაცავად, ვთხოვდი, რომ ეს არ გაეკეთებინა და ამით ნუკასთვის შეურაცხყოფა არ მიეყენებინა. სხვები კი ნუკას მთელ ოჯახს აგინებდნენ უშვერი სიტყვებით. ასეთ რაღაცეებს მაშინვე ვშლიდი, რომ ნუკასთვის ამერიდებინა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] ნუკა ორსულად არის და მისთვის ნერვიულობა არ შეიძლებოდა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]მაცაცო:[/b] რამდენჯერმე ნუკამაც უპასუხა ზოგს უხეშად, ბოდიშს ვერ მოვიხდი იმის გამო, რომ დედაჩემი ეკა კვალიაშვილიაო. აგრესია იმიტომ მოდიოდა, რომ ნუკა ეკას შვილი იყო. იმიტომ კი არა, რომ ეკა ვინმეს უყვარს ან არ უყვარს. უბრალოდ აქ თურმე პოპულარული ადამიანის შვილი არ უნდა მიდიოდეს იმავე გზით, რომლითაც მისი მშობელი მიდის. სუხიშვილებთან, ბაღაშვილებთან და სხვა წარმატებულ ოჯახებთან ვმუშაობდი და ყოველთვის იყო ასეთი გამოხდომები. გია ბაღაშვილს ლანძღავდნენ, რომ უნიჭო იყო და მხოლოდ იმიტომ ჩანდა, რომ ჯემალის შვილია. ილიკო სუხიშვილი ხომ საერთოდ! ამ ადამიანებმა დაამტკიცეს, რომ ეს სისულელეა და მათზე გენმა არ დაისვენა. 
იგივე შეიძლება ითქვას ნუკაზე. ძალიან მაგარი გოგოა. მან არ გამოიყენა არც ერთი თემა, რომლითაც საზოგადოების ემოციებზე თამაში შეიძლებოდა. ის ბედნიერია, ჰყავს წარმატებული დედა, მასზე უზომოდ შეყვარებული ქმარი, ზღაპრული სამეგობრო, ელოდება შვილს. მან სიხარული გააზიარა, ბავშვის გულისცემა მოგვასმენინა და ის, რაც გზადაგზა ცუდიც ხდებოდა, სხვებისთვის თავზე არ მოუხვევია. ამ კონკურსმა კიდევ ერთხელ დამიდასტურა გადაცემა "პროფილის" წარმატების საიდუმლო. ჩვენ ქართველებს გვიყვარს ტირილი, ტირილი და ხანდახან ჰეფი ენდი. 
ნუკამ ვერ დამალა ორსულობა, რადგან გაუხარდა, მაგრამ აზრად არ მოგვსვლია ამით სპეკულირება. ნუკას ამ პერიოდში ბიძაშვილი გარდაეცვალა – მარიკა კვალიაშვილის შვილიშვილი, 28 წლის ბიჭი და იმიტომ ტიროდა. გზადაგზა იმდენი ცუდი რაღაც ხდებოდა, ჩვენ რომ ამით აპელირება დაგვეწყო, დამიჯერეთ, დღეს ნუკა იქნებოდა გამარჯვებული, მაგრამ ნუკა იმდენად დამოუკიდებელი და ძლიერია, ასეთი სპეკულაციები არ სჭირდება. "შეიბრალეთ ნუკა!" – ასეთ პიარზე ის არასოდეს დათანხმდება და არც ვაკადრებ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ეგეთი მოგება არ მჭირდება! სხვათა შორის, ფინალში ნუკამ ჰიუსტონის სიმღერა რომ იმღერა, მარიკამ დამირეკა და მითხრა, ისე იმღერა ნუკამ, მთელი ჩემი გაჭირვება დამავიწყდაო. ერთ ტურში ავადაც იყო, 39 გრადუსი ჰქონდა სიცხე და ისე იდგა სცენაზე. თავიდან სპეციალური საიტები შექმნეს და ნუკაზე რაღაც საზიზღრობები დაწერეს. ბოლოს ჩატში ველაპარაკე იმ ვიღაცას, შვილო, რატომ აკეთებ ამას–მეთქი. მერე შექმნა "ეკა კვალიაშვილი და მისი კლანი". კლანი მყავს და დონა ეკა ვარ! ნუკაზე წერდა, უზრდელია, როგორ გაბედა და ორსულობის ტესტი როგორ დადო თავის გვერდზეო. მეცოდებიან ასეთი ადამიანები. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ამბობდნენ, რომ ზაზა შენგელიასთან გქონდათ ჩაწყობილი ნუკას მოგება. ნინა სუბლატს კი მიშა მშვილდაძე და მთელი მისი გუნდი, "ფორმულა კრეატივი" ეხმარებოდა. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]მე ამ სფეროში ყველას ვიცნობ. ზაზასთანაც კარგი ურთიერთობა მაქვს და რა ვქნა, არ მივესალმო?! უხერხულია. ესემეს ლიდერი რომ იყო ხოლმე ნუკა, ერთი ამბავი ტყდებოდა, ჩააწყო კვალიაშვილმაო. მერე დავწერე, ახლაც კვალიაშვილმა ხომ არ ჩააწყო–მეთქი. ხალხს საიდანაც უნდა, იქიდან აბამს ქოთანს ყურს. თავიდან ნუკას მეუღლისთვის, ნიკუშასთვისაც რთული იყო ეს ყველაფერი და სულ მაგათ ვაწყნარებდი, არ აჰყვეთ–მეთქი. ნუკას ფანები სამაგალითოები იყვნენ, სხვების კი აგრესიით გამოირჩეოდნენ. ვეუბნებოდი, ნუ არცხვენთ თქვენს ფავორიტებს–მეთქი. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]მაცაცო: [/b]ნიკა გვარამიას რომ უნდა ეთქვა, ვინ იყო გამარჯვებული, მთელი დარბაზი ნუკას სახელს სკანდირებდა. გვარამიამ უცებ თქვა, გამარჯვებულია ნინა სუბლატიო და სცენა დატოვა. ზაზა შენგელია 20 წუთი სკამიდან ვერ ადგა. ლუკა ზაქარიაძემ არ მისცა კომენტარები ჟურნალისტებს, ხელი აუქნია, თავი დამანებეთო. ნუკა კი დარბოდა და უხაროდა, მაკბუკი მაჩუქესო. რაც უთხრეს, პარიზში მიდიხარო, სხვა აღარაფერი გაუგია, ისეთი გახარებული იყო. 
ყველას ეგონა, ნუკა ნერვიულობდა, არადა ძალიან ბედნიერი იყო. მისი ფანები ტიროდნენ და ნუკა აწყნარებდა. ნინა სუბლატი ხელში აიყვანა. ავვარდი სცენაზე, ორსულად ხარ, რას აკეთებ–მეთქი. წარმოდგენა არ აქვთ, როგორია ნუკა, რა გადაიტანა, როგორ იწვალა. ხელაღებით ლანძღავენ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– როგორ არის ახლა ნუკა? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] სახლშია, სულ წევს და სურვილი არ აქვს, გარეთ გავიდეს, რადგან ფეხმძიმედ არის და დაიღალა. ეს მისთვის უდიდესი დატვირთვა იყო. ამბობს, რა კარგია სახლში ყოფნა და დასვენება, ყველამ თავი დამანებოს, გარეთ აღარ გავალო. არ დაიჯერებთ, ისეთ განწყობაზეა ნუკა. კულისებში რომ მივედი, ჩამეხუტა და მითხრა, იცი, რა კარგად ვარ, დავისვენებო. ყვიროდა, პარიზში მივდივარო. გაუხარდა კომპიუტერი და ტელეფონი. ტელეფონი მაშინვე ქმარს აჩუქა, ნუკას ჰქონდა, ნიკუშას – არა. სამაგიეროდ, მეორე დღეს ნიკუშამ ნუკას პიცა გაუკეთა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– გინდოდათ შვილიშვილი თუ ჯერ ნაადრევია ნუკასთვის დედობა? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]როგორ შეიძლება, არ მინდოდეს?! როცა შეუღლდნენ, ვუთხარი, თქვენი საქმეა, როდის გააჩენთ ბავშვს–მეთქი. არასოდეს ვერევი მათ ურთიერთობაში. სხვათა შორის, 1992 წელს, "მის როკევროპაზე" რომ წავედი, ნუკაზე ვიყავი ფეხმძიმედ. მაშინ "მის როკევროპა" გავხდი. მათ შვილს ხელში რომ დავიჭერ, მერე გეტყვით, რა შეგრძნებაა ეს. ვიცი, რომ ნუკა აუცილებლად გავა საზღვრებგარეთ და ხმაც დაუფასდება და ის ნიჭიც, რაც ღმერთმა მისცა. ყველა მონაცემი აქვს, რომ მეგა ვარსკვლავი გახდეს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ნინა სუბლატის შესაძლებლობებს და ნიჭს როგორ აფასებთ? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ძალიან კარგი გოგოა ნინა. ნიჭიერია, ლამაზია, თოჯინასავით არის და ნუკას ძალიან უყვარს. უამრავი თაყვანისმცემელი და გულშემატკივარი ჰყავს და გაიმარჯვა. კიდევ ერთხელ ვულოცავ და წინსვლას ვუსურვებ! 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ნუკას მამაც მუსიკალური ნიჭით არის დაჯილდოებული? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]კი, მღერის. კარგი მსახიობი იყო თავის დროზე, მიშა თუმანიშვილის თეატრში თამაშობდა. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ესწრებოდა "საქართველოს ვარსკვლავის" კონცერტებს? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] მე არ მინახავს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ამბობდნენ, ნინა სუბლატმა რომ მოყვა მამამისთან ურთიერთობის დეტალები, ამით საზოგადოება დადებითად განაწყოო. თქვენ კი არაფერს ამბობთ. [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა:[/b] რომ მოვყვეთ ჩვენი ცხოვრება, ჩვენც შევეცოდებით ხალხს, მაგრამ ეს არ მინდა. ყველანაირად ვცდილობდი, ნუკასთვის რაღაცეები ამერიდებინა, მაგრამ მაინც ტკივილიანი გზა გაიარა. მარტომ გავზარდე და ბევრი გაჭირვება გამოვიარეთ. უყურებდა ჩემს დაბლოკვებს, გაჭირვებას... არ მინდა, ჟურნალის ფურცლებზე დაიწეროს ის, რაც ჩვენ ვნახეთ. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– ნუკა განიცდიდა, როცა თქვენს პირად ცხოვრებაში იმედგაცრუებები ხდებოდა, მამაკაცებთან არ გიმართლებდათ? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]ნუკა პატარა იყო და ჩვეულებრივი დამოკიდებულება ჰქონდა მათთან. ეს მას ცუდად არ ეხებოდა. ძალიან მინდოდა, მქონოდა ოჯახი, მაგრამ არ გამომივიდა და დავრჩი ასე. ახლა არავინ მყავს! არავინ იცის, ცხოვრება რა სიურპრიზს მიმზადებს. 
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]– შესაძლებელია ისევ იფიქროთ ოჯახის შექმნაზე? [/b]
[b style="margin: 0px; padding: 0px; color: rgb(0, 0, 0); font-family: Sylfaen; font-size: 14px;"]ეკა: [/b]აუცილებლად, მაგრამ თუ ეს ნაბიჯი გადავდგი, ძალიან ჭკვიანურად მოვიქცევი. ვის არ უნდა, გვერდით მოსიყვარულე ადამიანი ჰყავდეს, რომელიც ეყვარება და რომელსაც დაეყრდნობა? თუ არა და, მივეჩვიე დამოუკიდებლად ყოფნას. ისედაც დამოუკიდებელი ვიყავი ყოველთვის. უკვე რამდენი ხანია, ჩემი ფიქრი და გონება ნუკაზეა გადართული. შვილი ეყოლებათ, ნიკუშა უნივერსიტეტს დაამთავრებს, სამსახურს იშოვის... ესაა ჩემი საფიქრალი. 


e s interviu aris eka kvaliashvilis romelmac ert-ert jurnals misca da am qals namdvili kritikis qarcecxlshi gatares ,es ar unda gvikvirdes es xom saqartveloa sadac yvela sxvis cxovrebashi yofs cxvirs es tema specialurad gamovitane ar mindoda saqartvelos varskvlavis temashi damedo