ბოლო დროს ტელესერიალების მოყვარული ქართველი ქალბატონების მთავარი სასაუბრო თემა თურქული "საპნის ოპერების" გმირი მამაკაცები არიან. ეზელის და სავაშის შემდეგ ქართველ ქალებს ახალი გულთამპყრობელი გამოუჩნდათ - ეს ტელესერიალ "სილას" მთავარი გმირი, ბორანის როლის შემსრულებელი თურქი მსახიობი მაჰმეტ აკიფ ალაქურთია.

მაჰმეტმა კარიერულ ასპარეზზე სვლა სამოდელო ბიზნესით დაიწყო. 34 წლის მომხიბვლელი მამაკაცი გამოჩენისთანავე იმდენად პოპულარული გახდა, რომ მალე "თურქეთის პრინცის" ტიტული მოიპოვა. 2001 წელს მაჰმეტი "თურქეთის საუკეთესო მოდელი" გახდა. იმავე წელს მონაწილეობა მიიღო მსოფლიო კონკურსში და "მსოფლიოს საუკეთესო მოდელის" ტიტულიც დაიმსახურა.

კინემატოგრაფში მოღვაწეობა მაჰმეტმა 2002 წლიდან დაიწყო. პოპულარობა მას სერიალ "სილაში" შესრულებულმა ბორანის როლმა მოუტანა.