27 იანვარ მაიამიში ტელებაზრობა გაიმართა, სადაც სხვადასხვა კომპანიებმა საკუთარი პროდუქცია წარმოადგინეს. ამ ბაზრობის შესახებ უფრო ვრცელ ინფორმაციას ოდნავ მოგვიანებით მოგაწვდით. ახლა კი ბრაზილიური სერიალების მოყვარულები მინდა გაგახაროთ და გითხრათ, რომ სულ მალე საქართველოში ლეგენდარული გლორია პერესის ("კლონი", "ამერიკა", "იქ, სადაც უყვართ") ახალი სერიალი "წმინდა გიორგი" გავა, რომელიც გაყიდვაში "გმირი ქალების" სახელით გამოვიდა. სერიალი 140 სერიისგან შედგება და ეხება ისეთ თემებს როგორიც - ტრეფიკინგი, პროსტიტუცია, სოციალურ ფენებს შორის განსხვავება, კრიმინალი, კორუფცია და სხვა თემებია.
სერიალის გადაღებები თურქეთსა და ბრაზილიაში მიმდინარეობდა.

სერიალში მონაწილეობენ ისეთი მსახიობები, როგორებიც არიან - კლაუდია რაია, ჯოვანა ანტონელი, ვერა ფიშერი, კაროლინა დიკმანი, როდრიგო ლომბარდი, ფლავია ალესანდრა, ლეტისია სპილერი, ევა ტოდორი, ნივეა მარია, ნისეტე ბრუნო და სხვები.