Log in
დაგვალაიქეთ ”ფეისბუქზე”
ნურგულ ეშილჩაი: "ცოლიანი კაცის სიყვარულს გულში ჩავიკლავდი"
Page 1 of 1
20140526
ნურგულ ეშილჩაი: "ცოლიანი კაცის სიყვარულს გულში ჩავიკლავდი"
თურქი მსახიობი ქალი, ნურგულ ეშილჩაი, ქართველმა მაყურებელმა ტელესერიალ "სიყვარული და სასჯელით" გაიცნო. ამ საპნის ოპერამ და მასში წამოჭრილმა თემამ თავად თურქეთში დიდი აჟიოტაჟი გამოიწვია. სერიალი 2010–2011 წლებში გადაიღეს. გადაღებები ვანის პროვინციაში, ბოდრუმსა და სტამბულში მიმდინარეობდა.
ნურგული 1976 წლის 26 მარტს აფონში, დასავლეთ თურქეთში დაიბადა. ის იზმირში იზრდებოდა, სადაც მამის დახმარებით 4 წლის ასაკში ისწავლა წერა–კითხვა. მისი მშობლები მასწავლებლები იყვნენ. ნურგულს ორი უფროსი და და ერთი უმცროსი ძმა ჰყავს. ბავშვობაში მათემატიკით იყო გატაცებული. სკოლაში სწავლის პერიოდში კი მძლეოსნობის სექციაზე დადიოდა. მონაწილეობდა შეჯიბრებებში, მაგრამ წარმატებას ვერ მიაღწია. ამ იმედგაცრუების გამო მსახიობს დღეს მძლეოსნობა სძულს. მას ბავშვობიდან უყვარს ხატვა, მაგრამ შვილის გაჩენის შემდეგ უდროობის გამო საყვარელ საქმიანობას დაემშვიდობა, მისი ნამუშევრები კი სახლის კედლებს შემორჩა. ნურგული დაინტერესებულია არქიტექტურით. რამდენიმე ხნის წინ მიწა შეიძინა, სადაც ქვის სახლის აშენებას აპირებს.
სამსახიობო განათლება ნურგულმა ანტალიაში, სასცენო ხელოვნების ინსტიტუტში მიიღო. მოგვიანებით მან ესკიშეხირის უნივერსიტეტში სასცენო სკოლის კურსებიც გაიარა. პირველი როლი კინოში 1998 წელს ითამაშა ფილმში "ყველაფერი კარგად იქნება", რომლის ეკრანებზე გამოსვლის შემდეგ ის თურქმა მაყურებელმა შეიყვარა.
თამაშობდა სტამბულის თეატრშიც, შესრულებული აქვს ოფელიას როლი "ჰამლეტში", შემდეგ იყო ტელეწამყვანი. 2001 წელს ითამაშა სატელევიზიო ფილმ "ჩანჩქერში" და ანტალიის კინოფესტივალზე ამ ფილმში ქალის როლის საუკეთესო შესრულებისათვის პრიზი აიღო. მის კარიერაში 12 ფილმია, რომელთა შორის ყველაზე დიდი პოპულარობა "სიყვარული და სასჯელში" შესრულებულმა იასემინის როლმა მოუტანა.
პირადი ცხოვრება კი მომხიბვლელმა თურქმა მსახიობმა ასევე წარმატებით ვერ ააწყო. 2004 წელს ის ცოლად გაჰყვა მსახიობ ჯემა იუოზერს, რომელთანაც 2005 წელს ვაჟი შეეძინა. ეს ქორწინება დიდხანს არ გაგრძელებულა. 2010 წელს ცოლ–ქმარი ერთმანეთს გაშორდნენ.
ნურგულ ეშილჩაი თურქული კინოს სექსსიმბოლოდ მიიჩნევა და არც გულახდილ თემებზე საუბარს ერიდება ინტერვიუებში. ცნობილია, რომ მისი პირველი სიყვარული ტრანსსექსუალი იყო, ხოლო მეორეს ტუბერკულოზი სჭირდა და ამის გამო მშობლებმა მასთან განშორება აიძულეს. მსახიობის თქმით, ის აღარ ფიქრობს ქორწინებაზე და თავს ბედნიერად გრძნობს საყვარელ ადამიანთან ყოველგვარი ოფიციალურობის გარეშე.
გთავაზობთ ინტერვიუს, რომელიც ნურგულ ეშილჩაიმ ჟურნალ "ელს" მისცა.
– როგორ მოიქცეოდით, თუ რეალურ ცხოვრებაში შეგიყვარდებოდათ ცოლიანი მამაკაცი, როგორც თქვენს გმირს სერიალში "სიყვარული და სასჯელი"?
– ასეთ ურთიერთობას არასოდეს დავუშვებ. შეიძლება ნებისმიერი ადამიანი შეგიყვარდეს, მაგრამ ამ სიყვარულს გულში ჩავიკლავ. შეიძლება სახლში დავჯდე და ვიტირო, მაგრამ ის მამაკაცი ჩემი გრძნობების შესახებ ვერასოდეს გაიგებს.
– გადაწყვეტილებას ცხოვრებისეული გამოცდილებიდან გამომდინარე იღებთ თუ დინებას მიჰყვებით?
– ცხოვრებისეული გამოცდილებებიდან გამომდინარე არაფერს ვწყვეტ. ბუნებით ისეთი ადამიანი ვარ, რომელსაც შეუძლია ერთი და იგივე შეცდომა რამდენჯერმე დაუშვას. მე ყოველთვის გრძნობებს ვემორჩილები.
– ძლიერი ქალი ჩანხართ, ეს იმიჯია თუ სინამდვილეშიც ასეა?
– დიახ, ძალიან ძლიერი ვარ. ორი უფროსი და მყავს, მე უმცროსი ვარ, ამიტომაც პრინცესასავით გავიზარდე. რასაც მოვითხოვდი, ყველაფერი მქონდა, რამაც ჩემზე ცუდი გავლენა მოახდინა. ეგოისტი ვარ, ჯერ საკუთარ თავზე ვფიქრობ, მერე კი – სხვაზე.
– საკმაოდ დამოუკიდებელი ქალი ხართ, ეს თქვენს სასიყვარულო ურთიერთობებზე როგორ აისახება?
– იქ, სადაც სიყვარულია, უნდა იყოს კომპრომისები. მე ისე ვცხოვრობ, როგორც მინდა.
– როგორი დედა ხართ? ამბობენ, რომ როდესაც თქვენს ბიჭს ძილის დრო აქვს, სადაც უნდა იყოთ, სახლში მიდიხართ და აძინებთ.
– ცოტა ხნის წინ ნეჯატმა მითხრა, შენ მსოფლიოში საუკეთესო დედა ხარო. ვფიქრობ, მართლაც კარგი დედა ვარ. ვცდილობ, თავისუფალი დროის უმეტესი ნაწილი შვილთან გავატარო, ის ჩემი ცხოვრების აზრია. სახლში ვბრუნდები იმისთვის, რომ შვილი ლოგინში დავაწვინო და სანამ დაიძინებს, მასთან ვრჩები, შემდეგ კი ჩემს საქმეს ვუბრუნდები.
– გულწრფელობით ხართ ცნობილი, ქორწინების პერიოდში კი ჩუმად იყავით, რატომ?
– გულწრფელობა იმას არ ნიშნავს, რომ ყველაფერზე უნდა ილაპარაკო. ჩვენ ერთად ვცხოვრობდით და ეს დამთავრდა, ეს არის ურთიერთობა, რომელიც დაკეტილი კარის მიღმა დარჩა. ჯემი ახლა ჩემი ნაცნობია და არა – მეგობარი. ის ჩემი შვილის, ნეჯატის მამაა. სწორედ ესაა მიზეზი, რომ ჩვენ ისევ ვურთიერთობთ.
– რა ადგილი უჭირავს თქვენს ცხოვრებაში სიყვარულს?
– ჩემს ცხოვრებაში სიყვარულს უმნიშვნელოვანესი ადგილი უკავია. ეს არ ნიშნავს მხოლოდ ერთი, კონკრეტული ადამიანის შეყვარებას, ყველაფერი უნდა გიყვარდეს, რასაც აკეთებ.
– რა მოხდა განქორწინების შემდეგ?
– იყო მომენტი, როდესაც დეპრესიაში ჩავვარდი, მაგრამ ეს ყველაფერი მალე გადავლახე. ახლა დეპრესია ჩემთვის ფუფუნებაა, რისი დროც ნამდვილად არ მაქვს.
– თქვენ გვერდით ახლა რეჟისორი ტოლგა კარაჩელიკია. როგორ ატარებთ დროს ორი ხელოვანი ადამიანი ერთად?
– ერთად დავდივართ კინოში. ის სცენარს წერს, ან კითხულობს და მე ვწერ. შემდეგ კი ფილმებს ვარჩევთ.
– დაქორწინებაზე არ ფიქრობთ?
– არა, მე ასეც კარგად ვარ. ტოლგა ერთი სართულით დაბლა ცხოვრობს და ერთად დიდ დროს ვატარებთ.
– კინოდან ახალი შემოთავაზებები გაქვთ?
– შემოთავაზებები მაქვს თურქეთის გარეთ, რომლებზეც ვფიქრობ. ძალიან მინდა ევროპის რომელიმე ქვეყანაში ცხოვრება.
barbara-la hiena- . :
პოსტების რაოდენობა : 10339
ქულები : 11002
დარეგისტრირების თარიღი : 2010-11-07
ასაკი: : 28
Share this post on:
Permissions in this forum:
You cannot reply to topics in this forum|
|
|