როგორ ნდა გამოვიყურებოდეთ ლამაზად

by DiKa Fri Jul 29, 2011 6:11 pm

ახლა, თქვენ რომ შეგეკითხოთ, გინდათ თუ არა გამოიყურებოდეთ ისე, როგორც ვარსკვლავი, ნაღვლიანად გვიპასუხებთ, რომ ამისათვის ბევრი ფულის დახარჯვაა საჭირო. სულაც არა! სილამაზის ექსპერტებმა და ცნობილმა მსახიობებმა, რომლებითაც აღფრთოვანებულები ვართ, არ დაინანეს გაეზიარებინათ თავიანთი საიდუმლოებანი, თუ როგორ უნდა შევძლოთ, მინიმალური თანხის დახარჯვით, გამოვიყურებოდეთ ბრწყინვალედ. მთავარია, არ დაგვეზაროს და გვიყვარდეს საკუთარი თავი.

მუდმივად ვკითხულობთ იმის შესახებ, რომ ვარსკვლავები ძვირადღირებულ კრემებს ყიდულობენ, დაუსრულებლად სტუმრობენ სპა–სალონებსა და პლასტიკურ ქირურგებს. ნუ იქნებით გულუბრყვილოები! ასეთი ინფორმაციების უმეტესობა მხოლოდ სარეკლამო ხასიათისაა.

ჩვენ მოგიყვებით ვარსკვლავების ნამდვილი საიდუმლოებების შესახებ, რომლებსაც ისინი ღიად გვიმხელენ, რითაც შევძლებთ ისეთივე ლამაზები გავხდეთ, როგორებიც ისინი არიან. ეს საიდუმლოებანი ძვირი სულაც არ ღირს და ამავე დროს რეალური სარგებლობა მოაქვთ!

სილამაზის ექსპერტი იულია ვისოცკაია:

– ყურადღება მიაქციეთ იმას, რას ჭამთ. შინაგანი სილამაზე – "სახეზე" რეზულტატი;

– რაციონიდან აუცილებლად ამოიღეთ ტკბილი გაზიანი სასმელი, მალე მათ "მომავლის სიგარეტს" უწოდებენ, რადგან ის ლამაზად შეფუთული ისეთივე ნარკოტიკია;

– დალიეთ წყალი! მას ორგანიზმიდან მავნე ტოქსინები გამოაქვს და დაგეხმარებათ გამჭრიახი გონების შენარჩუნებაში;

– მე, პირადად, შეღებვა ძალიან მალე მომბეზრდა, ამიტომ მეიკ–აპი წარსულს ჩაბარდა;

– ისეთი მავნე ჩვევა, როგორიც არის მოწევა, იწვევს ცხოვრებისეული ენერგიის გამოცლას და სილამაზის დაკარგვას;

– ძილი! 7 საათის ძილი არის ლამაზი ადამიანის აუცილებელი პირობა;

– დაკავდით სპორტით. მე ყოველდღე დავრბივარ. თუ ვარჯიშის დასაწყისში ფეხებს ძლივს ვამოძრავებ, ვარჯიშის ბოლოს გაცილებით უკეთ ვგრძნობ თავს. ჩემს წიგნში "ვჭამ, დავრბივარ, ვცხოვრობ", მაგალითისთვის მომყავს მთელი რიგი ვარჯიშები, რომლებიც დაგეხმარებათ იმაში, რომ ბრწყინვალედ გამოიყურებოდეთ და თავს მხნედ და ენერგიულად გრძნობდეთ. ვიცნობ ერთ 85 წლის ჩინელ ქალბატონს, რომელიც ყოველდღიური ცურვის ან ველოსიპედის სეირნობის წყალობით, ისეთ ფორმაშია, ნებისმიერი მამაკაცის მოხიბვლა შეუძლია. მოძრაობა – ეს ცხოვრებაა;

– გამოგიტყდებით, რომ დიდი ხანია არ ვსტუმრობ სილამაზის სალონებსა და სპაცენტრებს. დღეს ჩემს კოსმეტიკურ პროცედურას წარმოადგენს აბანო, ცხელი და ცივი წყლის პროცედურები, რომელსაც სახლის პირობებში ვიტარებ;

– ყურადღებას ვაქცევ იმას, რომ კანი ყოველთვის სუფთა და დატენიანებული მქონდეს.

– ამერიკაში ერთი ნაცნობი მყავს, რომელიც ამბობს: "მე ალკოჰოლის მოყვარული არ ვარ, მაგრამ საღამოს 6 საათზე 1 ბოკალ შამპუნარზე ვფიქრობ". ის ერთ ჭიქა შამპუნურს ყოველდღე სვამს. მას არ ესმის, თუ როგორ არიან ადამიანები დიეტაზე. "სინამდვილეში ისინი მიდიან რესტორნებში, – ამბობს ის, – და იქ თითქმის არაფერს უკვეთავენ. სახლში დაბრუნებულები კი, ყოველგვარ სისაძაგლეს შთანთქავენ. მე კი გემრიელად მივირთმევ იმას, რაც მინდა!". ამასთან, ეს ქალბატონი იკვებება სწორად და მხოლოდ ჯანმრთელი საკვებით და არა ჰამბურგერებით. ასეთი ფილოსოფია ძალიან მესიმპათიურება. თავი არ უნდა მოვიქციოთ რაღაც ჩარჩოებში. ჩემი თავიდან გამომდინარე, ვიცი, როცა გახდომას გადავწყვეტ, ზუსტად მაშინ ვჭამ ძალიან ბევრს. ცოტ–ცოტა ყველაფრის მირთმევა შეიძლება და ამასთან, მთავარი წესია, სასწორი მოიშორეთ თავიდან. ის მხოლოდ ნერვებს გიშლით. ცხოვრება ძალიან ხანმოკლეა იმისათვის, რომ დიეტაზე იჯდეთ. ჭამაში დიეტის კი არა, დისციპლინის დაცვაა საჭირო.

გამხდარი ქალი და ლამაზი ქალი – ეს ერთი და იგივე არ არის. ჯანმრთელი, მხიარული და ბედნიერი – აი, ეს არის ლამაზი ქალი. შეეცადეთ, შეინარჩუნოთ სიმშვიდე და კარგი განწყობილება. ეს კი, სავარაუდოდ, სილამაზის ყველაზე ძნელი პუნქტია!

წაიკითხეთ რამდენიმე აბზაცი მაინც!