სკანდალი გლობოში

ორი ლეგენდარული ტელედრამატურგი ვალსირ კარასკო("ეკლები და ვარდები", "შოკოლადი წიწაკით", "გულის ძახილი", "წინასწარმეტყველი", "შვიდი ცოდვა", "სახეები და ტუჩები", "უკბინე და შეუბერე" და ა.შ) და აგინალდო სილვა("ყველაფერი ნებადართულია", "დაჭრილი მხეცი", "დაუმორჩილებელი", "ჩემი შეყვარებული", "ნაზი შხამი", "ოცნების სანაპირო", "ბედთან მებრძოლი", "ორმაგი თამაში", "თანამედროვე დრო", "სისხლის ძახილი" , "დახვეწილი გრავიურა" და ა.შ) უკვე ერთი წელია ერთმანეთს უპირისპირდებიან. მათი დაპირისპირება ჯერ კიდევ სერიალ "დახვეწილი გრავიურას" ეთერში გასვლის შემდეგ დაიწყო (სერიალი ახლაც გადის გლობოზე და ძალიან მაღალი რეიტინგით სარგებლობს) როდესაც ვალსირ კარასკუმ აგინალდო სილვა პლაგიატში დაადანაშაულა. ვალსირ კარასკუ ამბობს - "როდესაც მე და აგინალდო ერთად ვვახშმობდით მან მკითხა ჩემს ახალ სერიალზე რომელზეც მაშინ ვმუშაობდი, მისი სამუშაო სახელწოდება იყო "რობოტები და დინოზავრები" შემდგომში ეთერში გავიდა როგორც "უკბინე და შეუბერე" (Morrde e Assopra) მე ვუთხარი რომ იმ პერიოდში ვამუშავებდი კასია კისის პერსონაჟს დულსეს, აგინალდო აღფრთოვანდა დულსეს პერსონაჟით და მითხრა რომ ის ჩემს ტელედრამატურგიაში ერთ-ერთი საუკეთესო პერსონაჟი იქნებოდა. ამ სერიალმა და დულსეს პერსონაჟმა როგორც ცნობილია დიდი რეიტინგი მოიპოვა. სერიალის დასრულებამდე რამდენიმე თვე იყო დარჩენილი როდესაც ეთერში გავიდა აგინალდოს სერიალი "დახვეწილი გრავიურა" (Fina Estampa) და რას ვხედავ დულსეს პერსონაჟი გამეორებულია გრისელდა პერეირაში, რომლის როლსაც ლილია კაბრალი ასრულებს. მე მაშინვე დავურეკე აგინალდოს და ვუთხარი რომ ეს ნამდვილი პლაგიატობაა, მან კი მიპასუხა რომ დულსეს და გრისელდას არანაირი საერთო არ აქვთ. ეს უბრალოდ დამთხვევაა ასეთი ქალები ბევრია ჩვენს გარშემო მითხრა მან," ამ თემასთან დაკავშირებით კომენტარი გააკეთა აგინალდო სილვამაც და განაცხადა რომ ეს მართლაც დამთხვევაა და ამასთანავე გრისელდა საერთოდ არ გავს დულსეს. "მემგონი გასაკვირი არ არის რომ შესაძლებელია რომ შვილებზე მზრუნველი დედა მხოლოდ დულსე არ იყოს, ის ერთადერთი არ არის" - განაცხადა აგინალდომ.
ეს სკანდალი ჩაცხრა თუმცა რამდენიმე თვის წინ, ამჯერად აგინალდომ ვალსირ კარასკუს არჩევანი დაუწუნა. მოგეხსენებათ ვალსირ კარასკუმ გადაწყვიტა სერიალ "გაბრიელას" რიმეიქის გადაება, მთავარ როლზე კი ჟულიანა პაეში დაამტკიცა. მისი დამტკიცებიდან რამდენიმე დღეში აგინალდომ ჯერ სოციალურ ქსელ თვითერის საშუალებით, შემდგომ კი პრესის ფურცლებიდან განაცხადა - "ვალსირს მემგონი "გაბრიელა" არ აქვს ნანახი, ჟულიანა პაეში საერთოდ არ ჯდება გაბრიელას ტიპაჟში, ის ასე ვთქვათ 'ლოლიტა' არ არის".
ამბობენ იმასაც, რომ ვალსირმა ჟულიანა აგინალდოს გასაღიზიანებლად დაამტკიცა როლზე, აგინალდოც სწორედ ამან გააღიზიანა. მოგეხსენებათ ჟულიანა პაეშმა აგინალდო სილვას უარი უთხრა მთავარ როლზე სერიალში "დახვეწილი გრავიურა". მის მაგივრად კი კაროლინა დიკმანი დაამტკიცეს.
ვნახოთ რით დასრულდება ეს ყველაფერი.
აღსანიშნავია ისიც, რომ აგინალდო სილვას და ვალსირ კარასკოს სერიალები ყოველთვის მაღალი რეიტინგებით გამოირჩევა.

ვალსირ კარასკო

აგინალდო სილვა

ლილია კაბრალი

კასია კისი

ჟულიანა პაეში

კაროლინა დიკმანი

სკანდალი გლობოში

სკანდალი გლობოში

სკანდალი გლობოში :: Comments