სერიალში "დიდებული საუკუნე", დედა სულთანის როლს მსახიობი ნებაჰატ ჩეხრე თამაშობს.

მსახიობი 1944 წლის 15 მარტს, თურქეთში დაიბადა. მისი მამა, იზეეტ ჩეხრე, ქართული წარმომავლობის ცნობილი ადვოკატი გახლდათ. დედა კი დიასახლისი.

ნებაჰატი 5 წლის იყო, როდესაც მამა გარდაეცვალა. ის დედასთან ერთად სამსუნის პროვინციიდან - სტამბულში გადასახლდა, სადაც დედამისი მეორედ, ამჯერად მოსამართლეზე გათხოვდა, რომელსაც 1956 წელს დაშორდა.

გასული საუკუნის სამოციან წლებში, ნებაჰატის დედა მესამედაც გათხოვდა. ადგილობრივ ჟურნალისტზე.


ნებაჰატი ოჯახში უფროსი შვილია. მას ორი ძმა ჰყავს: - ღვიძლი ძმა - ოხრანი და ნახევარძმა (დედის მეორე ქორწინებიდან) ტაიარ



თურქული პრესის მრავალრიცხვოვან ინტერვიუებში, ნებაჰატი საკუთარ პატარაობას აღწერს, როგორც ძალიან მორცხვ გოგონას, რომელმაც ბევრი რამ გადაიტანა მამის უდროოდ გარდაცვალებისა და დედის მრავალჯერ გათხოვების გამო.

მომავალმა მსახიობმა საშუალო სკოლა და ხელოვნების სპეციალიზირებული სასწავლებელი (გოგონებისათვის) დაამთავრა.


15 წლის ასაკში, ნებაჰატი პრესტიჟული ტიტულის - "მის თურქეთის" მფლობელი გახდა. რამაც მის წარმატებულ სამოდელო კარიერას საფუძველი ჩაუყარა.

1962 წლიდან, ის ფილმებსა და სერიალებში იწყებს გადაღებას. მას შემდეგ, ის ადგილობრივი ტელევიზიების ვარსკვლავი ხდება.

ვალიდე სულთანის როლის შემსრულებელი, ორჯერ იმყოფებოდა ქორწინებაში. პირველად 1967 წელს, ილმაზ გუნეეზე გათხოვდა, რის შემდეგაც გარკვეული პერიოდი არ მონაწილეობდა კინოებსა და ტელესერიალებში.

აღარც პოდიუმზე გამოდიოდა. განქორწინების შემდეგ, კვლავ დაუბრუნდა ეკრანს და მალე მეორედაც გათხოვდა, მაგრამ ეს ქორწინებაც წარუმატებელი აღმოჩნდა მისთვის.