ცოტახნის წინ მრავალთვიანი ჭორები და მითქმა-მოთქმა დასრულდა და დამტკიცდა, რომ ვიქტორია რუფომ მთავარი როლი მიიღო ხოსე ალბერტო კასტროს ახალ სერიალში "La Malquerida". სერიალში ასევე იქნებიან კრისტიან მეიერი და არიადნე დიასი. კრისტიანი ვიქტორიას გაუწევს პარტნიორობას, არიადნე კი ვიქტორიას შვილის  როლს შეასრულებს.
სერიალის  ძირითადი ხაზი მოგვითხრობს დედა-შვილის ( ვიქტორია და არიადნე) ბრძოლაზე ერთი კაცის ( კრისტიან მეიერი) გამო. უცნობია, რა მეთოდებით შეებრძოლებიან ისინი ერთმანეთს, რადგან სერიალთან დაკავშირებით ბევრი რამ გასაიდუმლოებულია, თუმცა სერიალის ყველა მსახიობი ამბობს,რომ ისტორია და პერსონაჟებიც საკმაოდ ძლიერი  და საინტერესო იქნება.  ვიქტორიას პერსონაჟი, კრისტინა, არის ძლიერი ქალი,რომელიც სერიალში არის ქვრივი. ის  შვილთან და მშობლებთან ერთად ცხოვრობს რანჩოზე. შემდეგ კი  გადაწყვეტს დაქორწინდეს ესტებანზე ( კრისტიან მეიერი), რომელთანაც ლამაზი სასიყვარულო ისტორია ექნება მანამდე, სანამ ესტებანს აკასია ( არიადნე დიასი)  აცდუნებს და მათ შორის ფარული ურთიერთობა იქნება. მეირის კომენტარით, მის პერსონაჟს ცოლი ეყვარება, გერთან კი მხოლოდ ვნება დააკავშირებს. უცნობია როგორ განვითარდება მოვლენები, რადგან სერიალი არ წარმოადგენს რიმეიქს, არამედ  დაფუძნებულია ხასინტო  ბენავენტეს სპექტაკლზე.  
სერიალის პრემიერა 2 ივნისს შედგება "Canal de las Estrellas"-ზე. "La Malquerida"-ს და ვიქტორიას უკვე უწინასწარმეტყველებენ დიდ წარმატებას. არის მოლოდინი, რომ კრისტინა იქნება ვიქტორიას  ყველაზე ძლიერი როლი.
"La Malquerida" ვიქტორიას მეორე პროექტია ხოსე ალბერტო კასტროსთან. მათ პირველად ითანამმშრომლეს 2012-2013 წლებში სერიალ " ცრემლების გვირგვინზე", რომელიც საკმაოდ რეიტინგული  და წარმატებული გამოვიდა. სერიალი ჯერჯერობით ერთადერთია, რომლის ფინალმაც "Canal de las Estrellas"-ზე 4 საათზე გასულ  სერიალებში ყველაზე მაღალი რეიტინგი დააგროვა და 7 საათზე გასული სერიალებს ფინალის რეიტინგებსაც კი გაუსწრო. სერიალი წარმატებული გამოდგა თავად ვიქტორიასთვისაც, მან მრავალწლიანი კარიერის მანძილზე პირველად აიღო "premios tv y novelas" ჯილდო საუკეთესო მთავარი  როლის შესრულებისთვის (" Mejor actriz protagonica");ასევე აიღო პრემია " ბრავო", როგორც საუკეთესო  პირველმა მსახიობმა ქალმა ( "Mejor primera actriz").
ვიქტორია ახალ სერიალში ახალ ვიზუალურ იმიჯსაც მოირგებს, რომელიც ასე გამოიყურება:

Spoiler: