რამდენიმე კვირის წინ ცნობილი გახდა, რომ ლინდსი ლოჰანი მაყურებელს რეალითი შოუს შესთავაზებს. გადაცემა 4 თვის განმავლობაში გავა ეთერში. მის ფარგლებში მომზადდება რვა ეპიზოდი, სადაც ლოჰანი საკუთარ პრობლემებზე, კარიერასა და მომავალ გეგმებზე ისაუბრებს. პრესა კი წერს, რომ ამისათვის მსახიობს ოპრა უინფრი 2 მილიონ დოლარს გადაუხდის. მიუხედავად სოლიდური თანხისა, ლოჰანის გარემოცვას ეჭვი აქვს, რომ გოგონა ამ ფულით ყველა ვალის გასტუმრებას ვერ შეძლებს. საუბარია მომავალ სასამართლო დავებზე, ადვოკატის მომსახურების ანაზღაურებაზე, სარეაბილიტაციო ცენტრ „Betty Ford“-ში ცხოვრებასა და სხვა მრავალ გასავალზე. ისიც უნდა აღინიშნოს, რომ ლინდსი საზოგადოების ყურადღების მიპყრობას სწორედ თავისი გზააბნეულობით ახერხებს. გარდა ჰონორარისა, შოუს დროს უინფრი ლოჰანს ორ პირად ასისტენტსა და სტილისტს მიუჩენს.
ოპრა უინფრი ლინდსი ლოჰანს 2 მილიონ დოლარს გადაუხდის
ავტორი: ეთუნა მზარეულიშვილი