Charlize Theron // შარლიზ ტერონი

შარლიზ ტერონი არის ამერიკელი მსახიობი და მოდელი
დაიბადა: 1975 წლის 7 აგვისტოს, ბენონიში - სამხრეთ აფრიკაში. არც და ყავს და არც ძმა.
ცხოვრობს: ლოს ანჯელესში. ამერიკის მოქალაქეა 2007 წლიდან
სიმაღლე: 1.77 მ
წონა: 55 კგ.
თმა: წაბლისფერი
თვალები: ცისფერი


ქალაქი ბენონი, იოჰანესბურგიდან 25 კილომეტრშია. შარლიზის მშობლებს აქ პატარა ფერმა და კომპანია (რომელსაც გზები გაჰყავდა) ჰქონდათ. ძროხების მოშენების პერსპექტივა, როგორც ჩანს, არც შარლიზს ხიბლავდა და არც მის მშობლებს. ამიტომ პატარა გოგონამ ყველაფერი იღონა, რომ ეს ხვედრი თავიდან აეცილებინა.
შარლიზი 6 წლის იყო, ცეკვით რომ დაკავდა. ცოტახნის შემდეგ ბალეტი მისი ოცნება გახდა: “ლამაზი ბავშვი არ ვიყავი. 4 წლამდე თმა არ მქონდა, 8 წლამდე - წინა კბილი. ფერმაში ჭუჭყიანი და ნახევრადშიშველი დავრბოდი. როცა გავიზარდე, არ მიფიქრია, რომ კარგი და მშვენიერი გავხდი. მშობლებს ეს არასდროს უთქვამთ. მხოლოდ დახმარებისთვის, ან ნიშნებისთვის მაქებდნენ”.
13 წლის ტერონი იოჰანესბურგში საბალეტო სკოლაში მიიყვანეს.
15 წლის ასაკში ის საშინელი ტრაგედიის მოწმე გახდა, როცა დედამისმა ცეცხლსასროლი იარაღით მოკლა მთვრალი და მოძალადე მამამისი თავდაცვის მიზნით. აღსანიშნავია, რომ სასამართლომ ტერონის დედა გაამართლა. „მე მხოლოდ შემიძლია ვიმედოვნო რომ დედაჩემის 10 პროცენტი ვარ. მან მასწავლა თუ როგორ უნდა ვყოფილიყავი ჩემს თავში დარწმუნებული და როგორ უნდა მომეწყო ჩემი ცხოვრება. აი რა მინდა მეც ვასწავლო ჩემს შვილს, მან აგრეთვე შეუძლებელის გაკეთება შეძლო ჩემთვის, მაპოვნინა საკუთარი ''მე'' და დამოუკიდებლობა.“
16 წლის ასაკში, დედის რჩევით, ტერონმა მონაწილეობა მიიღო მოდელების კონკურსში და გაიმარჯვა. შემდეგ ის გაემგზავრა იტალიაში და საკმაოდ მომგებიანი კონტრაქტი გააფორმა ერთ-ერთ სამოდელი ფირმასთან მაგრამ ერთი წელიწადში შარლიზმა მოდელობაზე გული აიცრუა იმ მოტივით, რომ არ სურდა მხოლოდ სილამაზით წარმატების მიღწევა და რომ საერთოდ არ ხიბლავს “ცარიელი” ლამაზმანის იმიჯი და გადაწყვიტა ბალეტს მიბრუნებოდა, ნიუ-იორში გაემგზავრა, საუკეთესო სკოლაში ჩაირიცხა, მაგრამ მალე მუხლის ტრამვის გამო ბალერინობა შეუძლებელი გახდა.
დათრგუნულმა და იმედგაცრუებულმა შარლიზმა ჰოლივუდისკენ აიღო გეზი. თავიდან ვერაფერს გახდა. რაღაც რეკლამებში იღებდნენ, მაგრამ ამით ფონს ვერ გავიდოდა: “სინჯებზე რომ დავდიოდი, მესმოდა, როგორ ამბობდნენ ჩემზე: ”ამას სერიოზულად ვინ შეხედავსო”. მაშინ, ალბათ პროტესტის ნიშნად, უფორმო, უშნო შარვლებით დავიწყე სიარული. მინდოდა, ყველას გაეგო, რომ ჩემთვის სულ ერთია, როგორ გამოვიყურები”.
ერთ დღეს, ნიუ-იორკელი დამქირავებლებისგან ანაზღაურების მისაღებად ბანკში შევიდა. ერთი ჩეკიღა დარჩენოდა. როცა ბანკის თანამშრომელმა სხვა შტატის ჩეკის განაღდებაზე უარი უთხრა, შარლიზი ისე გაცოფდა, ისეთი სცენა გაითამაშა და ისეთი ამბავი დაატრიალა, რომ რიგში მის უკან მდგომმა, ერთი შეხედვით ჩვეულებრივმა მამაკაცმა, სინამდვილეში კი “ტალანტების სპეციალისტმა” ჯონ კროსბიმ (რენე რუსო და ჯონ არტი სწორედ მან აღმოაჩინა) ემოციური გოგონა საოცრად შთამბეჭდავად მიიჩნია. ურჩია, ნებისმიერ საფოსტო განყოფილებაში გაენაღდებინა ჩეკი და თან ჰკითხა, მსახიობი ხომ არა ხართო. ცოტა აღელვებულმა ტერონმა უპასუხა, რომ მსახიობი ჯერ არ არის, მაგრამ აპირებს, გახდეს.

უსახსროდ დარჩენილი შარლიზი, რა თქმა უნდა, თანხმდება კროსბის წინადადებაზე და სამსახიობო კარიერას იწყებს. დასაწყისისთვის აქცენტის მოშორება უხდება, შემდეგ კი ტელერეკლამებისთვის გაუთავებელი მოსმენები და სინჯები იწყება;
გავა დრო, სანამ “სიმინდის ბავშვები 3”-ში უხმო ეპიზოდურ როლს მიიღებს. ამას “ორი დღე ველზე” (2 Days in the Valley) მოჰყვება. შემდეგ კი ტომ ჰენკსის სადებიუტო ფილმისთვის ის, რასაც შენ აკეთებ (That Thing You Do!) . პატარა როლი იყო, მაგრამ წარმატებულ დასაწყისად იქცა.

ის დღეც დადგა, როცა შარლიზის სახელი ჰოლივუდის მაღალ ეშელონებს შეეხო. “ეშმაკის ადვოკატი”, ასე ერქვა იმ ფილმს, რომლის აფიშაზე ალ პაჩინოს და კიანუ რივზის გვერდით ახალი სახელი გამოჩნდა. ამ ფილმის შემდეგ შემოთავაზებებს ვეღარ აუდიოდა.

“ოსკარისკენ” სავალ გზაზე მნიშვნელოვანი ლასე ჰელსტრომის დრამა “მეღვინეთა წესები” იყო. ფილმი 7 ნომინაციაში წარადგინეს და ეს წარდგენა ორი დაჯილდოებით დასრულდა. მართალია, იმ დროს კინოაკადემიკოსებმა ახალგაზრდა ნიჭიერ მსახიობს გვერდი აუარეს, მაგრამ აღიარება მხოლოდ დროის ამბავი ყოფილა.

“აზარტული თამაშები”, “სამხედრო მყვინთავი”, “ბაგერ ვენსის ლეგენდა”, “იარდები”, “ტკბილი ნოემბერი” “15 წუთი” “ნეფრიტის მორიელის წყევლა” “24 საათი”. არც ერთი ამ ფილმებიდან შარლიზის აღიარებისთვის საკმარისი არ იყო. ნამდვილი წარმატება მხოლოდ მაშინ მოვიდა, როცა მსახიობმა დაუნდობლად დაიმახინჯა თავი, ნარკომანი, უზნეო, მკვლელი ქალის როლი რომ შეესრულებინა. ფილმის სიუჟეტი რეალურ ამბავზე დაფუძნდა, მონსტრი, რომელსაც შარლიზი თამაშობს, პირველი სერიული მკვლელი-ქალია ამერიკის შეერთებულ შტატებში, მან 7 მამაკაცი მოკლა. “მონსტრად გადავიქეცი!” - ამბობს შარლიზი ერთ ინტერვიუში. “გარეგნობის შეცვლა აუცილებელი გახდა, ათასნაირი გრიმი გამოიყენეს, ბოლოს კომპიუტერით ისე გადაასხვაფერეს ჩემი გამოსახულება, რომ ვეღარ ვიცანი. ვამაყობ ამ ფილმით. ერთი სული მაქვს, როდის გამოვა ეკრანზე და როდის ვაჩვენებთ მაყურებელს”.
2004 წელს “მონსტრში” შესრულებული ქალის მთავარი როლისთვის შარლიზ ტერონი “ოსკარით” დააჯილდოვეს. ის პირველი აფრიკელია, ვინც ეს ჯილდო მიიღო.
რიგით 2291-ე ვარსკვლავი ჰოლივუდში მისია: “ვინმეს რომ ეთქვა, როდესმე ჰოლივუდში შენი ვარსკვლავი გექნებაო, სიცილისგან სუნთქვას ვერ მოვიბრუნებდი... დიდი პატივია. დღეს მე უკვე შემიძლია ვთქვა, რომ სოფლელი გოგონა აფრიკიდან აქ თავს საკუთარ სახლში ვგრძნობ”.

ამერიკულმა ჟურნალმა “ESQUIRE” 2007 წლის ოქტომბერში ტერონი ყველაზე სექსუალურ ქალად დაასახელა ჩვენს დროში მცხოვრებთა შორის: “ის ათავსებს შეუდარებელ სილამაზეს და ჭკუას იმ განსაკუთრებულ ხიბლთან, რომელიც “შენიანად” გაგრძნობინებს ადამიანს, გგონია, წახვალ და ლუდს დალევ მასთან ერთად, ისაუბრებ, მასთან ლაღი ხარ და ბედნიერი, ეს სამი ფაქტორი ერთად განუმეორებლად სექსუალურია”.
შარლიზ ტერონი Briel Milano-ს საათების სახეა -“მხოლოდ ბუნებრივი სილამაზისა და იმის გამო კი არ ავირჩიეთ, რომ თანამედროვე ქალის ხორცშესხმაა. არამედ იმიტომ, რომ მასში შერწყმულია მგრძნობიარე ბუნება და გაბედულება, სიფაქიზე და მიწიერება, ელეგანტურობა და უბრალოება”.

2007 წლის დასაწყისში ჩატარებული გამოკითხვით, ამერიკელებმა ტერონი ყველაზე ლამაზფეხება ქალად მიიჩნიეს. შარლიზმა ამ “ნომინაციაში” ჟიზელ ბუნდხენს და ჯენიფერ ლოპესს აჯობა. აგრეთვე ის ყველაზე ჭკვიან მსახიობადაც ითვლება. “დიდება არ მომწონს. არ მომწონს ის კულტურა, რომელშიც ვცხოვრობთ. არ ვეთანხმები იმას, რომ როგორც კი მსახიობი ხდები, შენი ცხოვრება საჯიჯგნად საზოგადოებას უნდა დაუთმო. სულაც არ მსიამოვნებს პაპარაცების სირბილი ჩემს უკან, როცა უბრალოდ საყიდლებზე მივდივარ.… მათი ტაქტიკა საშინლად არ მომწონს, თუმცა ბევრი ასეთი დევნის დროს გაკეთებული ფოტო მდიდრული ჟურნალების გარეკანისთვის გადაღებულს სჯობს”.

როგორც ეროვნული გმირი, თვით ნელსონ მანდელამ დააჯილდოვა. აქტიურად იბრძვის აფრიკაში სექსუალური ძალადობის მსხვერპლი ქალების უფლებების დასაცავად. “იქ მამაკაცებს ჰგონიათ, ასე შიდსისგან განიკურნებიან, ქალები კი იტანჯებიანო”.

პოლიტიკაზე საუბარს თავს არიდებს ხოლმე, თუმცა აღიარებს, რომ ღრმად პოლიტიზირებულია, ერთხელ უთქვამს: “დიახ, მე ახლა ამერიკელი ვარ. მაგრამ გავიზარდე ქვეყანაში, რომელმაც ერთი მნიშვნელოვანი გაკვეთილი ძალიან კარგად აითვისა: საკუთარი ცხოვრების წესი ადამიანებს მარტო იმიტომ არ უნდა მოახვიო თავს, რომ გგონია, მართებულია. შტატებს კი ბევრი გაკვეთილი ჯერ კიდევ ასათვისებელი აქვს”.

ეკრანზე დიდებული ქალია, აი, ისეთი “ჟადორის” რეკლამაში რომაა, ცხოვრებაში კი ჯინსები და თავისი მოტოციკლი “ჰარლი” ურჩევნია. “32 წლის ბედნიერი ადამიანი ვარ. სულაც არ მინდა, იმ დროში დავბრუნდე, 20 წლის რომ ვიყავი. მართალია, ყველა კითხვაზე პასუხი ჯერ არ მიმიღია, მაგრამ ჭეშმარიტების ძებნა არასდროს დამღლის და პასუხსაც აუცილებლად ვიპოვი. “ჩემთვის ცხოვრება კარიერაზე, კინოზე მეტს ნიშნავს. ლოს ანჯელესში ვცხოვრობ, ვოცნებობ მერილინ მონროს სახლის შეძენაზე, მაგრამ ერთხელ სტიუარტთან ერთად მეთევზეების სოფელში სამოთახიანი სახლი ვიქირავე, ტელევიზორიც კი არ გვქონდა და ესეც მშვენიერი იყო... მადლიერი ვარ ბედისწერის: ისეთი პროფესია მაქვს, რომ ფულისთვის კი არა, სიამოვნებისთვის ვმუშაობ”.

პირადი ცხოვრება:
2012 წლის 15 აპრილს ოსკაროსანი შარლის ტერონი დედა გახდა. ფეხმძიმედ მსახიობი არასდროს უნახავთ, ამიტომ ახალმა ამბავმა ყველა ძალიან დააბნია. ტერონის ოფიციალურმა წარმომადგენელმა ძალიან მოკლედ გამოაცხადა: ”შარლიზმა ბავშვი იშვილა. ახლა ამაყია, რომ ჯანმრთელი ახალშობილის - ჯექსონის - დედაა” .ტერონი თავის შვილს საოცრებას და საჩუქარს უწოდებს – "ის ყველაზე მაგარი ბავშვია მთელს მსოფლიოში."
ტერონი 2 წელი ხვდებოდა მსახიობ კრეიგ ბიერკოს, შემდეგ - 1998 წლის იანვრიდან 2001 წლის ივლისამდე მომღერალ სტეფან ჯენკინსთან იყო. 2001 წლიდან ცხრა წელი ცხოვრობდა მსახიობ სტიუარტ ტაუნდსენდთან.

აუუ ბიოგრაფია ცოტა დიდი ასოებით დამეწერა რა :დ მარა ვეღარ ვასწორებ :დდ

შვილთან ერთად

რა გრძელი ფეხები აქ