თინა ტერნერი რამდენიმე დღის წინ თავის დიდი ხნის მეგობარ მამაკაცს, ერვინ ბახს გაჰყვა ცოლად. 73 წლის მომღერალმა და 57 წლის ხმისჩამწერი კომპანიის დირექტორმა ქორწილი შვეიცარიაში გადაიხადეს, სადაც უკვე 15 წელია ცხოვრობენ. მალე ჯვრისწერის ბუდისტური ცერემონიაც გაიმართება, სადაც 120-მდე სტუმარს ელიან, მათ შორის დევიდ ბოუვის, შადესა და ოპრა უინფრის. პრესის ინფორმაციით, ყველა სტუმარს სთხოვეს, რომ წვეულებაზე თეთრი სამოსით გამოცხადდნენ, ხოლო თავად პატარძალი ჯვრისწერაზე ჯორჯო არმანის კაბით წარდგება. ტაბლოიდები ასევე წერენ, რომ თინამ და ერვინმა მეზობლებს წერილი უკვე გაუგზავნეს, რომელშიც მოსალოდნელი ხმაურის გამო ბუდიშს უხდიან.