რეპერ 50 ცენტის ყოფილმა შეყვარებულმა, მოდელმა, დაფნა ჯოიმ 37 წლის მუსიკოსს სასამართლოში უჩივლა. ვარსკვლავს მისი შვილის დედა ცემაში ადანაშაულებს. ჩხუბის დროს წყვილი უკვე დაშორებული გახლდათ. ურთიერთობის გასარკვევად 50 ცენტი ქალს სახლში მიეჭრა, დაამტვრია ავეჯი, ტელევიზორი, სანათები და კარადები, რომლის საერთო ფასი 7100 დოლარს აღწევს. ამის შემდეგ რეპერმა აბაზანის კარი შეამტვრია, სადაც შეშინებული დაფნა იმალებოდა. საბედნიეროდ, გოგონამ პოლიციის გამოძახება მოასწრო და იგი სახლიდან დროულად გამოიყვანეს. პოლიციის მისვლისას რეპერმა შემთხვევის ადგილიდან მიმალვა სცადა, თუმცა, იგი 22 ივლისს სასამართლოში გამოცხადებას ვერ ასცდება. ვარსკვლავს შესაძლოა, ხულიგნობა ძალიან ძვირად დაუჯდეს. მას 46 ათასი დოლარის გარდა, თავისუფლების 5 წლით აღკვეთაც ემუქრება. 50 ცენტის წინააღმდეგ ოჯახური ძალადობისა და ვანდალიზმის ბრალდებით, სასამართლოში საჩივარი მეექვსედ შევიდა.