ცოტა ხნის წინ პრესისთვის ცნობილი გახდა, რომ რეჟისორმა მეთიუ ბონმა თავის მორიგ პროექტში დევიდ ბექჰემი მიიწვია. თუმცა, ახალ ინფორმაციას თუ ვენდობით, ბონს გაცილებით უფრო გრანდიოზული გეგმები აქვს. ბრიტანული ტაბლოიდები წერენ, რომ ფილმში „The Secret Service“-ში ადელი და ელტონ ჯონიც გამოჩნდებიან. ამბობენ, რომ რეჟისორი ადელს უარყოფითი პერსონაჟის შესასრულებლად იდეალურ კანდიდატად მიიჩნევს. შეგახსენებთ, რომ მეთიუ ბექჰემს ასევე ბოროტმოქმედის როლს სთავაზობს. ფილმის „The Secret Service“-ის სცენარი ამავე სახელწოდების კომიქსზე დაყრდნობით შეიქმნა, რომლის ავტორიც მარკ მილერია. პროექტში მთავარ როლებს კოლინ ფერტი და სემუელ ელ ჯექსონი შეასრულებენ, თუმცა, ცნობილია, რომ ბონი ლეონარდო დიკაპრიოსთან და ტომ კრუზთან თანამშრომლობასაც ფიქრობს.