ანა ხანჩალიანი სომხური „ხმის“ გამარჯვებული გახდა

„მე ვიცი, რატომაც გადაწყვიტე შენ ამ პროექტში მონაწილეობა, მაგრამ მიზეზს არ დავასახელებ...“ – მიანიშნა ხანჩალიანის წარმდგენმა.

სომხეთში პოპულარული და წარმომადგენლობითი კონკურსის „ხმის“ მეორე სეზონის გამარჯვებული თბილისელი ანა ხანჩალიანი გახდა, რომელმაც მანამდე საქართველოში „ნიჭიერი“ მოიგო და სწორედ ამ პროექტის აღმოჩენაა.

ანა ხანჩალიანმა ერევანში მაყურებელთა ყველაზე მეტი მოკლე ტექსტური შეტყობინება მიიღო და ჟიურიმ გამარჯვებულად გამოაცხადა.

ხანჩალიანმა ფინალურ ეტაპზე When you told me you loved me შეასრულა და დიდი მოწონება დაიმსახურა.

სომხურ მედიაში ანა ხანჩალიანის შესახებ მანამდე წერდნენ, რომ მას, ტალანტით სავსე თბილისელ გოგონას, ჰქონდა შანსი, „ხმის“ გამარჯვებული გამხდარიყო. ასევე აღნიშნავდნენ, რომ ხანჩალიანმა საქართველოშიც გაიმარჯვა თითქმის ანალოგიურ კონკურსში, თუმცა, ანა ხანჩალიანის შესახებ დაწერილ რამდენიმე სტატიაში მინიშნებული იყო, რის გამო გადაწყვიტა ანა ხანჩალიანმა, წამოსულიყო თბილისიდან:

„ცნობილია, რომ ანა ხანჩალიანი მიხეილ სააკაშვილისა და დაპატიმრებული ყოფილი პრემიერმინისტრის ვანო მერაბიშვილის რჩეულიც იყო, რაც, შესაძლოა, უარყოფითად ასახულიყო მის კარიერაზე საქართველოში მას შემდეგ, რაც იქ ხელისუფლება არჩევნების გზით შეიცვალა“.

მედიასაშუალებები მიანიშნებდნენ, რომ ხანჩალიანთან მიმართებაში პოლიტიკურმა მოტივმა ერთერთ გადაცემაშიც გაიჟღერა, თუმცა, მხოლოდ მინიშნების სახით, როცა მისმა ერთერთმა წარმდგენმა ანას მიმართა: „მე ვიცი, რატომაც გადაწყვიტე შენ ამ პროექტში მონაწილეობა, მაგრამ მიზეზს არ დავასახელებ...“

ანა ხანჩალიანი სომხური „ხმის“ გამარჯვებული გახდა

ანა ხანჩალიანი სომხური „ხმის“ გამარჯვებული გახდა

ანა ხანჩალიანი სომხური „ხმის“ გამარჯვებული გახდა :: Comments